მევლუთ ჩავუშოღლუ - დასავლეთი ტერორიზმის მიმართ ორმაგი სტანდარტების გამოყენებას აგრძელებს

თურქეთის საგარეო საქმეთა მინისტრი მევლუთ ჩავუშოღლუ დასავლეთს ტერორიზმის მიმართ „ორმაგი სტანდარტების“ გამოყენებასა და „შერჩევით დამოკიდებულებაში“ ადანაშაულებს.

„დასავლეთის ორმაგი სტანდარტები ტერორიზმთან დაკავშირებით და დამოკიდებულება : ”ჩემი ტერორისტი ცუდია, შენი ტერორისტი კარგია” - გრძელდება,“- წერს მევლუთ ჩავუშოღლუ სოციალურ ქსელ „ტვიტერში“ ჰეშთეგით „ქურთების მუშათა პარტია“ საშინელი ტერორისტული ორგანიზაციაა“.

შეგახსენებთ, ანკარა აცხადებს, რომ „ქურთების მუშათა პარტიის“ მებრძოლებმა 13 გატაცებული თურქი, მათ შორის სამხედროები და პოლიციის თანამშრომლები, ერაყის ჩრდილოეთ ნაწილში სიკვდილით დასაჯეს.