მიხეილ ყაველაშვილი ნიკა მელიასთვის სადეპუტატო იმუნიტეტის შეჩერებაზე - არაფერი პირადული, ჩვეულებრივი პროცედურა იყო
არაფერი პირადული, ჩვეულებრივი პროცედურა იყო, - ამის შესახებ საპარლამენტო უმრავლესობის წევრმა მიხეილ ყაველაშვილმა ჟურნალისტებთან ნიკა მელიასთვის სადეპუტატო იმუნიტეტის შეჩერების შემდეგ განაცხადა.
მისივე თქმით, გაუგებარია, რატომ გადაწყვიტა მელიამ გირაოს პირობების დარღვევა ახლა, როცა მას 16 თვის განმავლობაში არ არღვევდა.
„იცით, რომ შარშანაც ანალოგიური იყო და პარლამენტმა და თითოეულმა დეპუტატმა მისი მოვალეობა შეასრულა.
პარადოქსთან გვაქვს საქმე და ეს ადამიანები ცდილობენ, რომ როგორმე არიონ ქვეყანაში სიტუაცია და ეძებენ მიზეზებს. ვინც ქვეყანაში საღად აზროვნებს, მათთვის ეს მარტივად არის გასაგები. რაზეც პირველ რიგში უნდა იფიქროს სახელმწიფომ, ეს არის სამართალი და კანონი, ნებისმიერი ადამიანი, ვინც კანონზე მაღლა დააყენებს თავს, მიუღებელი იქნება.
სხვა ადამინებიც არიან პასუხისგებაში მიცემული, რომლებიც თავის მოვალეობას ასრულებენ, მათ რას ვეუბნებით? თავად აღნიშნა პროკურატურის წარმომადგენელმა, რომ 16 თვე ასრულდებდა, გირაოც გადაიხადა და ახლა რა მოხდა მის გონებაში, რომ აღარ გადაიხდის და თითქოს ვაჟკაცი გახდა? სახელმწიფოს წინააღმდეგ გახდა ვაჟკაცი?! - რა დამოკიდებულებაა,"- განაცხადა ყაველაშვილმა.
v-if="article.gallery" v-html="article.gallery"
