ნიკა მელიას სასამართლო პროცესის პირდაპირი ტრანსლირება მიმდინარეობს
„ერთიანი ნაციონალური მოძრაობის“ თავმჯდომარის, 20 ივნისის საქმეზე ბრალდებულ ნიკა მელიას სასამართლო პროცესზე ადვოკატებმა პირდაპირი ტრანსლიერების ნებართვა მოითხოვეს.
ადვოკატებმა სასამართლოში შუამდგომლობა დააყენეს, რომლის მიხედვითაც, მაღალი საზოგადოებრივი ინტერესიდან გამომდინარე, სასამართლო დარბაზში მყოფი ტელეკომპანიების მხრიდან პროცესი პირდაპირ ეთერში გადაიცეს. აღნიშნულ შუამდგომლობასთან დაკავშირებით პროკურატურამ განაცხადა, რომ ეს სასამართლოს უნდა გადაეწყვიტა.
სასამართლომ დაცვის მხარის შუამდგომლობა დააკმაყოფილა.
თბილისის საქალაქო სასამართლოში ნიკა მელიას სასამართლო პროცესი მიმდინარეობს.
დღევანდელ სასამართლო სხდომაზე მელიას მიმართ აღკვეთის ღონისძიების შეფარდებაზე უნდა იმსჯელონ.
სასამართლო პროცესს არ ესწრება ნიკა მელია.
სახელმწიფო ბრალდება ბრალდებულისთვის აღკვეთის ღონისძიების სახით შეფარდებული 40 000-ლარიანი გირაოს პატიმრობით შეცვლას ითხოვს.
დაცვის მხარე კი აცხადებს, რომ ნიკა მელია აღკვეთის ღონისძიების გარეშე უნდა დარჩეს.
v-if="article.gallery" v-html="article.gallery"
