„ტოიოტა ცენტრი თბილისი“ მეორადი ავტომობილის შეძენა-გაყიდვის მსურველებს „ტოიოტა პლუსის“ პროგრამას სთავაზობს

„ტოიოტას“ პირველი ოფიციალური დილერი საქართველოში „ტოიოტა ცენტრი თბილისი“ მეორადი ავტომობილის შეძენა-გაყიდვით დაინტერესებულ მომხმარებელს პროგრამა „ტოიოტა პლუსის“ ხელსაყრელ პირობებს სთავაზობს. „ტოიოტა ცენტრი თბილისის“ ინფორმაციით, „ტოიოტა პლუსი“ მაქსიმალურად საიმედო და სარგებლის მომტანია, ამასთან ერთად, მომხმარებელი ყოველგვარი გაუთვალისწინებელი რისკებისგან არის დაზღვეული.

მათივე ცნობით, „ტოიოტა პლუსის“ ფარგლებში, მომხმარებელს საშუალება ეძლევა, მეორადი ავტომობილი „ტოიოტა ცენტრ თბილისში“ საბაზრო ფასად ჩააბაროს და სურვილის შემთხვევაში, ახალი ავტომობილი მხოლოდ ფასთა შორის სხვაობის დაფარვით შეიძინოს.

როგორც „ტოიოტა ცენტრ თბილისის“ გაყიდვების დეპარტამენტის ხელმძღვანელი, ნინო გაგუა განმარტავს, მნიშვნელოვანია, რომ მომხმარებელს ახლის შეძენის გარეშეც შეუძლია ძველი ავტომობილის „ტოიოტა ცენტრ თბილისში“ ჩაბარება, თუ მისი ავტომობილი „ტოიოტა პლუსით“ გათვალისწინებულ პირობებს აკმაყოფილებს: პირველ რიგში, ავტომანქანის ხანდაზმულობა არ უნდა აღემატებოდეს 8 წელს, მისი გარბენი არ უნდა სცდებოდეს 160 000 კმ-ს, არ უნდა იყოს წყალში ჩაძირული და ნამუშევარი როგორც ტაქსი. ეს ის ძირითადი პარამეტრებია, რომლითაც ხდება მეორადი ავტომობილების შერჩევა.

„ტოიოტა პლუსი“, პრაქტიკულად, უკონკურენტო და საინტერესო შეთავაზებაა. პროექტს სამი მიმართულება აქვს. ერთ-ერთი მთავარი - „თრეიდ ინის“ ოფციაა, რაც შემდეგში მდგომარეობს: მომხმარებელი არ არის შეზღუდული და შეუძლია, როგორც ტოიოტას, ასევე სხვა ბრენდების მეორადი ავტომობილები ჩააბაროს „ტოიოტა ცენტრ თბილისში“. ავტომანქანა გაივლის ტექნიკურ შემოწმებას ჩვენს სერთიფიცირებულ სერვისცენტრში - ეს, დაახლოებით, ნახევარსაათიანი პროცედურაა. ამგვარად დადგინდება ავტომობილის საბაზრო ფასი. სანაცვლოდ, მომხმარებელს შეუძლია შეარჩიოს ტოიოტას ახალი ავტომობილი, ხოლო ფასთაშორის სხვაობა დაფაროს ნაღდი ანგარიშსწორებით, ბანკის მეშვეობით ან სალიზინგო კომპანიის დახმარებით.

„ტოიოტა პლუსის“ მეორე მიმართულების არჩევის შემთხვევაში, მომხმარებელს შეუძლია მხოლოდ ძველი ავტომანქანის ჩაბარების მომსახურებით ისარგებლოს ან აირჩიოს მესამე მიმართულება და ცენტრში ტექნიკურად გამართული მეორადი ავტომანქანა შეიძინოს.

„ტოიოტა ცენტრ თბილისის“ გაყიდვების დეპარტამენტის ხელმძღვანელის, ნინო გაგუას ინფორმაციით, „ტოიოტა პლუსი“ მეორადი ავტომობილის შეძენით დაინტერესებულ მომხმარებელს სრულ გარანტიას აძლევს, რომ დაზღვეული იქნება იმ გაუთვალისწინებელი და არასასიამოვნო სიურპრიზებისგან, რაც ავტომობილის აუქციონის წესით, ბაზრობებზე ან ავტომობილების ყიდვა-გაყიდვის სპეციალიზირებული ვებგვერდების მეშვეობით შეძენას მოჰყვება. ნინო გაგუა განმარტავს, რომ „ტოიოტა ცენტრი თბილისი“ მომხმარებელს სთავაზობს დაზოგოს დრო და საუკეთესო ფინანსური პირობებით შეიძინოს მეორადი ავტომანქანა, რომელსაც 2-წლიანი (ან 50,000კმ-მდე - რომელი პირობაც პირველი შესრულდება) საგარანტიო მომსახურება მოჰყვება. მომხმარებელი აბსოლუტურად დაზღვეული იქნება იმ მხრივ, რომ შეიძენს „სუფთა ისტორიის“ მქონე ავტომანქანას, რომელსაც „ტოიოტა ცენტრ თბილისის“ სერთიფიცირებულ სერვისცენტრში მრავალმხრივი ტექნიკური შემოწმება აქვს გავლილი და შესაბამისად, ტექნიკურად მთლიანად გამართულია. 2-წლიანი გარანტია, ასევე, მოიცავს ევაკუატორის მომსახურებას თბილისის მასშტაბით და უფასო კომპიუტერულ დიაგნოსტიკას. „ტოიოტა პლუსის“ პროგრამის ფარგლებში შეძენილ ავტომობილებზე, ასევე, მოქმედებს „ტოიოტა კასკოს“ ავტო-დაზღვევა, გარდა ამისა, ვრცელდება სპეციალური ფინანსური შეთავაზება, როგორც ბანკის, აგრეთვე, სალიზინგო კომპანიების მხრიდან.

„ტოიოტა პლუსის“ პროგრამის ფარგლებში შეძენილი მეორადი ავტომობილებს შემდეგი პრიორიტეტები აქვს: ყველაზე მნიშვნელოვანი - მომხმარებელი მოიპოვებს იმ კომფორტს, რაც თან ახლავს გამართული ავტომობილის მართვას, დაზოგავს დროს და ისარგებლებს 2-წლიანი საგარანტიო პირობებით“, - აცხადებს „ტოიოტა ცენტრ თბილისის“ გაყიდვების დეპარტამენტის ხელმძღვანელი ნინო გაგუა.

მომხმარებელი, რომელსაც „ტოიოტა პლუსით“ სარგებლობა სურს, პანდემიის პირობებში, უსაფრთხოების დაცვის მიზნით, აუცილებლად წინასწარ უნდა დაუკავშირდეს „ტოიოტა ცენტრ თბილისს“ ნომრებზე: 032 2511; 032 2 522 022 და ჩაეწეროს სერვისის მისაღებად, შემდეგ კი ეწვიოს ცენტრს ორშაბათიდან პარასკევის ჩათვლით, 09:30-დან 18:00 საათამდე, ხოლო შაბათს - 09:30-დან 14:00 საათამდე, მისამართზე: დავით აღმაშენებლის ხეივანი #116; www.toyota-tbilisi.com.

„ტოიოტა ცენტრ თბილისში“ მისულ მომხმარებელს მომსახურებას პანდემიის გავრცელების საპრევენციო რეგულაციებისა და უსაფრ­თხო­ე­ბის მა­ღა­ლი სტან­დარ­ტების სრული დაცვით გაუწევენ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს