რიგგარეშე საპარლამენტო არჩევნების მოლოდინი არ მაქვს, - ეს განცხადება ჟურნალისტებთან დეპუტატმა მიხეილ სარჯველაძემ გააკეთა. როგორც სარჯველაძემ აღნიშნა, რიგგარეშე არჩევნებს არც 31 ოქტომბრის არჩევნების შესწავლის შედეგები გამოიწვევს და არც მთავრობის ნდობის გამოცხადებასთან დაკავშირებული პროცესი.
"საკმაოდ კარგად ვიცნობ 31 ოქტომბრის არჩევნებთან დაკავშირებით გამოთქმულ პრეტენზიებს და არ მგონია, ამ თვალსაზრისით რიგგარეშე არჩევნების რაიმე წინაპირობა არსებობდეს. რაც შეეხება სამთავრობო ცვლილებებთან დაკავშირებულ მოლოდინებს, არც ამ შემთხვევაში მაქვს მოლოდინი, რომ შეიძლება რაიმე ისეთი მდგომარეობა შეიქმნას, რომ ვადამდელი არჩევნების საჭიროება დადგეს", - განაცხადა სარჯველაძემ.