სალომე სამადაშვილი - როდესაც ადამიანი მძევლად აჰყავთ მოლაპარაკების პროცესში, ჩვენ ასე მოლაპარაკებებს, ცხადია, ვერ განვაახლებთ

როდესაც ადამიანი მძევლად აჰყავთ მოლაპარაკების პროცესში ჩვენ ასე მოლაპარაკებებს, ცხადია, ვერ განვაახლებთ. ამიტომ, ჩვენი პოზიცია გასაგებია, - ამის შესახებ "ნაციონალური მოძრაობის" წევრმა სალომე სამადაშვილმა ჟურნალისტებს პარტიის ოფისში განუცხადა, რითაც უპასუხა კითხვას ხელისუფლებასთან მოლაპარაკებების პესპექტივასთან დაკავშირებით.

სალომე სამადაშვილის განმარტებით, მათ არასდროს უთქვამთ უარი დიალოგზე და არც ახლა ამბობენ, მაგრამ უნდა გადაიდგას ისეთი კონკრეტული ნაბიჯები, რომელიც დიალოგს შესაძლებელს გახდის.

მისივე თქმით, აშშ-ს სენატის განცხადება აჩვენებს ერთადერთ რამეს, ვაშინგტონში პარნიორების მოლოდინი არის ის, რომ ნიკა მელიას წინააღმდეგ სამართლებრივი დევნა არამხოლოდ დროებით, არამედ მუდმივ რეჟიმში შეწყდება.

"დღემდე გადაუჭრელია პოლიტპატიმარ გიორგი რურუას გათავისუფლების საკითხი.თუ ჩვენ მივაღწევთ პროგრესს პოლიტიკური ნიშნით დევნის და პოლიტპატიმრების თემაზე, ჩვენ რა თქმა უნდა, მზად ვართ იმისათვის რომ განახლდეს მოლაპარაკებები. ეს მოლაპარაკები უნდა შეეხებოდეს იმას, თუ როგორ და რანაირად ვაპირებთ, ქვეყანაში აღდგეს დემოკრატიული პროცესი, სამართლიანი და თავისუფალი არჩევნების გზით დავამყაროთ ქვეყანაში სტაბილური გარემო", - განაცხადა სამადაშვილმა.

მისი თქმით, ამის ალტერნატივა ქაოსი და დესტაბილიზაციაა, რაზეც სტრატეგიული მოკავშირეებიც აღნიშნავენ, რომ ეს საქართველოს თითოეული მოქალაქის ინტერესებს დააზიანებს.

"ხაზგასმით მინდა ვთქვა, როდესაც ადამიანი მძევლად აჰყავთ მოლაპარაკების პროცესში ჩვენ ასე მოლაპარაკებებს, ცხადია, ვერ განვაახლებთ. ამიტომ, ჩვენი პოზიცია არის გასაგები. პოლიტიკური ნიშნით დევნა ქვეყანაში უნდა დასრულდეს და ამის ფონზე,რა თქმა უნდა, შესაძლოა, ჩვენ განვაახლოთ მოლაპარაკებები. მაგრამ იმ რეჟიმში, როდესაც ხელისუფლება იქცევა, როგორც კრიმინალური სინდიკატი, რომელსაც ხალხი მძევლად აჰყავს, ჩვენ ცხადია, რომ არ გვაქვს დღეს, მოლაპარაკებების რესუსრსის არსებობის იმედი. ამიტომ, უახლოეს დღეებში, რას გააკეთებს "ქართული ოცნება", სწორედ ეს განსაზღვრავს, რა მიმართულებით წავა ქვეყანაში პოლიტიკური პროცესი", - განაცხადა სალომე სამადაშვილმა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
როგორ იქმნება მომავლის რესტორნები მსოფლიოში? რა უნდა გაითვალისწინონ ქართველმა რესტორატორებმა
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი