ეკატერინე ტიკარაძე - ფსიქიკური ჯანმრთელობის პროგრამის ბიუჯეტი 2021 წლიდან თითქმის 2 მილიონი ლარით გაიზარდა

პარლამენტში, საკომიტეტო მოსმენაზე ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრობის კანდიდატმა ეკატერინე ტიკარაძემ ჯანდაცვის პროგრამების გაზრდილ დაფინანსებასა და პაციენტების ნაწილისთვის სათემო მომსახურეობის ხელმისაწვდომობაზე ისაუბრა.

მინისტრის განცხადებით, 2021 წლიდან თითქმის 2 მილიონი ლარით გაიზარდა ფსიქიკური ჯანმრთელობის პროგრამის ბიუჯეტი და უფრო ხელმისაწვდომი გახდა სტაციონარული, ამბულატორიული და სათემო სერვისები.

„2021 წლიდან თითქმის 2 მილიონი ლარით გაიზარდა ფსიქიკური ჯანმრთელობის პროგრამის ბიუჯეტი და შედეგად უფრო ხელმისაწვდომი გახდა სტაციონარული, ამბულატორიული და სათემო სერვისები. გარდა ამისა, ჩვენს ფრანგ კოლეგებთან ერთად, დავიწყეთ სისტემის დეცენტრალიზაციაზე მუშაობა, რათა პაციენტებმა სამკურნალო მომსახურება დიდი ზომის დაწესებულებების ნაცვლად მიიღონ საოჯახო ტიპის სახლებსა და საცხოვრისებში. პაციენტების ნაწილისთვის მსგავსი ტიპის სათემო მომსახურება უკვე ხელმისაწვდომია. ასევე გაიზარდა ტუბერკულოზის მართვის პროგრამის ბიუჯეტი, რომლის ფარგლებში 30%-ით გაიზარდა ექიმისა და ექთნის მინიმალური ხელფასის ოდენობა.

2021 წლიდან ჩვენ ასევე გავზარდეთ დიაბეტის მართვის სახელმწიფო პროგრამის ბიუჯეტი, რის შედეგად გაუმჯობესდა ბავშვთა სერვისების დაფინანსება. მინდა აღვნიშნო, რომ ევროკავშირთან ასოცირების ხელშეკრულების ფარგლებში, ჩვენ ინტენსიურად ვმუშაობთ უსაფრთხო სისხლისა და ორგანოთა ტრანსპლანტაციის ნაწილში ნაკისრი ვალდებულებების შესასრულებლად", - განაცხადა ეკატერინე ტიკარაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა