ირაკლი ღარიბაშვილი - სახეზეა უმძიმესი შედეგები, მწვავე ეკონომიკური კრიზისი, ჯერ კიდევ არ ვიცით, საბოლოოდ როგორ და როდის დასრულდება პანდემია, ამიტომ საკმარისი აღარ არის მხოლოდ წინა ხელისუფლებასთან შედარება

ჩვენ ომში ვართ პირდაპირი მნიშვნელობით უხილავი მტრის წინააღმდეგ. სახეზეა უმძიმესი შედეგები, მწვავე ეკონომიკური კრიზისი, ჯერ კიდევ არ ვიცით საბოლოოდ როგორ და როდის დასრულდება პანდემია, ამიტომ საკმარისი აღარ არის მხოლოდ წინა ხელისუფლებასთან შედარება, -ამის შესახებ საქართველოს პრემიერ-მინისტრობის კანდიდატმა ირაკლი ღარიბაშვილმა ფრაქცია „ქართული ოცნების“ სხდომაზე განაცხადა.

მისივე თქმით, დღეს, ყველაზე საგულისხმო სიმპტომი, რაც ახლებური მიდგომების აუცილებლობაში გვარწმუნებს, არის ერთგვარი მზარდი ნაპრალი მდიდრებსა და ღარიბებს შორის, ელიტებსა და მოსახლეობის უდიდეს უმრავლესობას შორის. ღარიბაშვილის განცხადებით, ეს ტენდენცია კარგს არაფერს მოგვიტანს, რადგან მიჩნეულია, რომ უთანასწორობა ამძაფრებს უსამართლობის განცდას მოსახლეობაში.

„მოგეხსენებათ კარგად, რომ პანდემიის პირველი დღიდან სახელმწიფომ, ჩვენმა საზოგადოებამ, მთლიანად ხელისუფლებამ აჩვენა მაღალი პასუხისმგებლობა. ჩვენი საზოგადოებაც და საერთაშორისო თანამეგობრობაც მაღალ შეფასებას აძლევს ამ მონდომებას, მაგრამ, უნდა ვაღიაროთ, რომ ეს საკმარისი არ არის. მე ვფიქრობ, ამ უმწვავესმა და უპრეცედენტო გლობალურმა კრიზისმა ბევრი რამ გვასწავლა და გვაჩვენა, თუნდაც გვაიძულა ახლებურად შევხედოთ საგნებსა და მოვლენებს. ჩვენ გვმართებს მეტი კრიატიულობა, მეტი არაორდინალურობა, მეტი სისწრაფე გადაწყვეტილების მიღებაში. მთელ მსოფლიოში იცვლება რეალობა. დღეს ჩვენ ომში ვართ პირდაპირი მნიშვნელობით, უხილავი მტრის წინააღმდეგ, სახეზეა უმძიმესი შედეგები, მწვავე ეკონომიკური კრიზისი, ჯერ კიდევ არ ვიცით საბოლოოდ როგორ და როდის დასრულდება პანდემია, ამიტომ საკმარისი აღარ არის მხოლოდ წინა ხელისუფლებასთან შედარება. საჭიროა გავაათმაგოთ ჩვენი ძალისხმევა, რათა შევძლოთ გარღვევა ეკონომიკაში და, რა თქმა უნდა, ჩვენი მთავარი საზრუნავი უნდა იყოს ჩვენი მოქალაქეების კეთილდღეობა. ყველაზე საგულისხმო სიმპტომი, რაც ახლებური მიდგომების აუცილებლობაში გვარწმუნებს, არის ერთგვარი მზარდი ნაპრალი მდიდრებსა და ღარიბებს შორის, ელიტებსა და მოსახლეობის უდიდეს უმრავლესობას შორის. ეს დღეს მთელი მსოფლიოს და სამწუხაროდ, ჩვენი პრობლემაც არის, ეს კი, რა თქმა უნდა, არაფერს კარგს არ გვიქადის. უთანასწორობა, მიჩნეულია, რომ ამძაფრებს უსამართლობის განცდას მოსახლეობაში,“- განაცხადა ირაკლი ღარიბაშვილმა.

იხილეთ ვიდეო:

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს