ხატია დეკანოიძე - მუდმივი პროტესტი იქნება, ჩვენ არ ვაპირებთ დავიხიოთ უკან!

იქნება მუდმივი პროტესტი, - ამის შესახებ „ნაციონალური მოძრაობის“ წევრმა, ხატია დეკანოიძემ „ნაციონალური მოძრაობის“ ოფისში ოპოზიციის ლიდერების დახურული შეხვედრის დასრულების შემდეგ ჟურნალისტებს განუცხადა.

მისივე თქმით, ყველაზე რეგვენი, ვინც პარლამენტის ტრიბუნიდან, პოლიტიკური ოპონენტების წინააღმდეგ ზიზღის ენას აფრქვევდა, საქართველოს თავისუფლებას საფრთხეს ვერ შეუქმნის.

„სამომავლო გეგემები-ეს იქნება მუდმივი პროტესტი. ჩვენ არ ვაპირებთ, არც ერთი წუთით დავიხიოთ უკან! კანცელარიასთან ძალიან დიდი შეკრება იქნება. აქ საუბარი აღარ არის ნიკა მელიას საქმეზე, აქ საუბარია: ვაძლევთ, თუ არა საშუალებას ჩვენ რეჟიმს საბოლოოდ გადაგვიაროს და საბოლოოდ თავის მსახურებად გადაგვაქციოს?! ჩვენ აქ მყოფი ადამიანები თავისუფლებისთვის ვიბრძვით! 15:00 საათზე კანცელარიასთან და პირობას ვაძლევ ყველაზე რეგვენს, ვინც პარლამენტის ტრიბუნიდან, პოლიტიკური ოპონენტების წინააღმდეგ ზიზღის ენას აფრქვევდა, არ მოხდება ისე, რომ საქართველოს თავისუფლებას საფრთხე დაემუქროს“, - განაცხადა დეკანოიძემ.

ცნობისთვის, სამართლდამცავებმა „ნაციონალური მოძრაობის“ თავმჯდომარე ნიკა მელია დააკავეს. შინაგან საქმეთა სამინისტრომ მელიას აყვანის სპეცოპერაცია პარტიის ცენტრალურ ოფისში გამთენიისას დაიწყო. ოპერაციის ფარგლებში შსს-მ სპეციალური ტექნიკა და სპეცდანიშნულების რაზმი გამოიყენა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს