მამუკა მდინარაძის განცხადებით, „ქართული ოცნების“ ვებ-გვერდებზე, ასევე სახელმწიფო უწყებების საიტებზე ამ წუთებში კიბერშეტევა მიმდინარეობს

საპარლამენტო ფრაქცია „ქართული ოცნების“ თავმჯდომარის, მამუკა მდინარაძის განცხადებით, „ქართული ოცნების“ ვებ-გვერდებზე, ასევე სახელმწიფო უწყებების საიტებზე ამ წუთებში კიბერშეტევა მიმდინარეობს. ამის შესახებ მდინარაძემ ჟურნალისტებს განუცხადა.

როგორც მამუკა მდინარაძემ აღნიშნა, „რაც არ უნდა დამატებითი დესტრუქციული მოქმედებები მოიშველიონ, სახელმწიფო დგას თავის ადგილას, კანონი დგას თავის ადგილას და ამ კანონის ფარგლებშიც გამოძიებული იქნება და ფარდა აეხდება ყველაფერს“.

„მინდა საზოგადოებას მივაწოდო ინფორმაცია, რომ ამ წუთებში მიმდინარეობს მასირებული კიბერშეტევა როგორც „ქართული ოცნების“ ვებ-გვერდებზე, ასევე სახელმწიფო უწყებების საიტებზე.

ჩვენ ვფიქრობთ, რომ ეს არის იმ გეგმის ნაწილი, რომლის შესრულება ნეობოლშევიკებმა დღევანდელ დღეს ვერ მოახერხეს, მათ საბოლოოდ ვერ გაბედეს წინააღმდეგობის გაწევა კანონის მიმართ და ვერ გაბედეს წინააღმდეგობის გაწევა სახელმწიფოს მიმართ. ვინც ასე გააკეთა, ეს არის სწორი საქციელი იქედან გამომდინარე, რომ ყველა უნდა დაემორჩილოს კანონს, მის მოთხოვნებს. არავის თვითმიზანი არ არის ვინმეს დაჭერა, დაპატიმრება და ა.შ. აქ გვაქვს ერთი უმარტივესი მოცემულობა, რომლის მიხედვითაც, ყველა ადამიანი, თუ სახელმწიფოს სახელმწიფო ჰქვია და თუ კანონს კანონი ჰქვია, უნდა დაემორჩილოს მის კანონიერ მოთხოვნებს და მის კანონიერ, ლეგიტიმურ აღსრულებას.

რაც შეეხება კიბერშეტევას, დარწმუნებული ვარ, შესაბამისი ორგანოები შეეცდებიან გამოიძიონ ვინ უწყობს ხელს დესტაბილიზაციის გეგმას, რომელიც უკვე ფაქტია, რაც არ უნდა კიბერშეტევები ახორციელონ, რაც არ უნდა დამატებითი დესტრუქციული მოქმედებები მოიშველიონ, სახელმწიფო დგას თავის ადგილას, კანონი დგას თავის ადგილას და ამ კანონის ფარგლებშიც გამოძიებული იქნება და ფარდა აეხდება ყველაფერს.

რა ინფორმაციაც მაქვს, შინაგან საქმეთა სამინისტროს საიტებზე და ვებ-გვერდებზე, პარტიის ყველა საიტზე და ვებ-გვერდზე, ამ წუთებშიც მიდის მასირებული კიბერშეტევა, კიბერშტურმი და პრაქტიკულად, 100 ნიუსიდან 98, 99-ის განთავსება ვერ ხდება, თუმცა მალე აღმოიფხვრება პრობლემა, IT ტექნოლოგები ამაზე მუშაობენ“, - განაცხადა მდინარაძემ.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს