ელისაბედ მეორე - კორონავირუსზე აცრა საერთოდ არ არის მტკივნეული და ვაქცინის გაკეთებისთანავე თქვენ გაქვთ შეგრძნება, რომ დაცული ხართ

დიდი ბრიტანეთის დედოფალი ელისაბედ მეორე ამბობს, რომ კორონავირუსზე აცრა ძალიან სწრაფად ხდება და საერთოდ არ არის მტკივნეული.

„ვაქცინის გაკეთებისთანავე, თქვენ გაქვთ შეგრძნება, რომ დაცული ხართ, რაც, ჩემი აზრით, ძალიან მნიშვნელოვანია. ეს პროცესი იყო სწრაფი. მე ბევრი წერილი მივიღე ხალხისგან, რომლებიც გაოცებულნი იყვნენ, თუ რამდენად ადვილად ხდება ვაქცინის გაკეთება. იცით, ეს საერთოდ არ არის მტკივნეული“, - აღნიშნა დედოფალმა ჯანდაცვის სფეროს წარმომადგენლებთან ვიდეოშეხვედრის დროს.

94 წლის დედოფალს ვაქცინის პირველი დოზა გასულ თვეში გაუკეთეს. მასთან ერთად აიცრა მეუღლე, პრინცი ფილიპე. ცოტა ხნის წინ ვაქცინაცია ჩაიტარა პრინცმა ჩარლზმაც. სულ დიდ ბრიტანეთში კორონავირუსის საწინააღმდეგო ვაქცინის პირველი დოზა 19 მილიონზე მეტ ადამიანს გაუკეთეს.

იხილეთ ვიდეო:ელისაბედ მეორე - ვაქცინის გაკეთებისთანავე, თქვენ გაქვთ შეგრძნება, რომ დაცული ხართ, რაც, ჩემი აზრით, ძალიან მნიშვნელოვანია

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული