გიორგი ხანიშვილი სოფლისა და სოფლის მეურნეობის განვითარების ევროპის სამეზობლო პროგრამის LEADER პროექტების დასრულებასთან დაკავშირებით გამართულ ონლაინ შეხვედრას დაესწრო

გარემოს დაცვისა და სოფლის მეურნეობის მინისტრის პირველი მოადგილე, გიორგი ხანიშვილი სოფლისა და სოფლის მეურნეობის განვითარების ევროპის სამეზობლო პროგრამის (ENPARD) LEADER პროექტების დასრულებასთან დაკავშირებით გამართულ ონლაინ შეხვედრას დაესწრო. გარემოს დაცვისა და სოფლის მეურნეობის სამინისტროს ინფორმაციით, შეხვედრის მონაწილეებმა პროექტების საბოლოო შედეგები განიხილეს.

უწყების ინფორმაციით, ევროკავშირის ფინანსური მხარდაჭერით განხორციელებული აღნიშნული პროექტების საშუალებით, შესაძლებელი გახდა, საპილოტე მუნიციპალიტეტებში შექმნილიყო ადგილობრივი განვითარების სტრატეგიები და წარმატებით განხორციელებულიყო დაგეგმილი აქტივობები.

როგორც მინისტრის პირველმა მოადგილემ აღნიშნა, ახალქალაქში, დედოფლისწყაროში, ქედასა და ხულოში პროექტის განმახორციელებელმა ორგანიზაციებმა (GIPA, HEKS-EPER, CENN, Caritas CR) მნიშვნელოვანი წვლილი შეიტანეს პროცესების დაგეგმვასა და შეფასებაში.

„გარემოს დაცვისა და სოფლის მეურნეობის სამინისტრო მთელ რიგ ინსტიტუციურ ცვლილებებს ახორციელებს, რომელიც მიზნად ისახავს ორგანიზაციული ეფექტიანობის გაზრდას და მოსახლეობის საჭიროებებზე დაფუძნებული, ევროპული ტიპის სოფლის მეურნეობისა და სოფლის განვითარების პოლიტიკის მართვის სისტემის ჩამოყალიბებას, რაც ევროკავშირთან საქართველოს ინტეგრაციის პროცესის მნიშვნელოვანი ნაწილია“, - განაცხადა გიორგი ხანიშვილმა.

შეხვედრას საქართველოს გარემოს დაცვისა და სოფლის მეურნეობის სამინისტროს, გაეროს განვითარების პროგრამის (UNDP), გაეროს სურსათისა და სოფლის მეურნეობის ორგანიზაციის (FAO), ყველა მოქმედი ადგილობრივი განვითარების ჯგუფის (LAG) წარმომადგენლები და LEADER პროექტების განმახორციელებლები ესწრებოდნენ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს