დავით ზილფიმიანი ინიციატივით გამოდის, საპატრულო პოლიციის მანქანებს თი-პი-პი დაეწეროს
თი-პი-პი ანუ თავაზიანობა, პროფესიონალიზმი და პატივისცემა - ეს წარწერა თუ იქნება ჩვენი საპატრულო პოლიციის მანქანებზე კარგი იქნება,- ამ ინიციატივით „ევროპელი სოციალისტების“ ერთ-ერთმა ლიდერმა დავით ზილფიმიანმა პარლამენტის პლენარულ სხდომაზე შინაგან საქმეთა მინისტრს ვახტანგ გომელაურს მიმართა.
მისივე თქმით, მსგავსი დევიზი ნიუ-იორკის საპატრულო პოლიციას აქვს და კარგი იქნება თუ მსგავსი წარწერა ქართული საპატრულო პოლიციის ავტომანქანებზეც გამოჩნდება.
„ნიუ იორკის პატრულის დევიზი არის courtesy, professionalism and respect. ეს წარწერა თუ იქნება ჩვენი საპატრულო პოლიციის მანქანებზეც კარგი იქნება. ქართულად იქნებოდა თპპ ანუ თავაზიანობა, პროფესიონალიზმი და პატივისცემა. მე ვთვლი, რომ წარწერაც კი კარგი იქნებოდა. ეს აუცილებელი არ არის, მაგრამ ისე არც მაინც და მაინც ცუდი,“- განაცხადა ზილფიმიანმა.
v-if="article.gallery" v-html="article.gallery"
