პანდემიის გამო ფინეთში თვითმმართველობის არჩევნები გადაიდო. ქვეყნის ხელისუფლების გადაწყვეტილებით არჩევნები აპრილის ნაცვლად ივნისში გაიმართება.

მათი თქმით, ბოლო დღეების განმავლობაში ფინეთში ეპიდემიოლოგიური ვითარება მკვეთრად გაუარესდა, არჩევნებმა კი შესაძლოა, ვირუსის უფრო ფართოდ გავრცელება გამოიწვიოს. ფინეთის მთავრობა ასევე მიიჩნევს, რომ მოქალაქეების ნაწილმა დაინფიცირების საფრთხის გამო შესაძლოა არჩევნებზე მისვლაზე უარი თქვას, დაბალი აქტივობა კი კენჭისყრის ლეგიტიმურობას საფრთხეს უქმნის.

ფინეთში ბოლო 24 საათში კორონავირუსით 648 ადამიანი დაინფიცირდა და მათი რიცხვი 61 552-მდე გაიზარდა. ქვეყანაში ვირუსს 767 ადამიანი ემსხვერპლა.