სურამის ახალგაზრდული სახლი შიდა ქართლში მცხოვრები ახალგაზრდული მუშაკების გადასამზადებელი კურსისთვის აპლიკანტების მიღებას აგრძელებს
სურამის ახალგაზრდული სახლი შიდა ქართლში მცხოვრები/მომუშავე ახალგაზრდული მუშაკების გადასამზადებელი კურსისთვის აპლიკანტების მიღებას აგრძელებს. ამის შესახებ ინფორმაციას ახალგაზრდობის სააგენტო ავრცელებს.
მათივე ცნობით, კონკურსის ფარგლებში 18 მონაწილისგან შემდგარი ორი ჯგუფი შეირჩევა, რომლებიც საქართველოს ახალგაზრდულ მუშაკთა ასოციაციის მიერ მომზადებული პროგრამით გადამზადდებიან.
„გადამზადების პროგრამა შედგება რეზიდენციული ტიპის სასწავლო კურსისგან, პრაქტიკის ფაზისა და მენტორინგისგან.
რეზიდენციული ტიპის სასწავლო კურსს მონაწილეები გაივლიან სურამის ტრეინინგ ცენტრში, ორ ნაკადად, სხვადასხვა თარიღებში (22 მარტი - 28 მარტი და 29 მარტი - 04 აპრილი).
ტრეინინგ კურსში მონაწილეობის მსურველებმა გთხოვთ შეავსოთ აპლიკაცია შეავსოთ აპლიკაცია 16 მარტის ჩათვლით, აპლიკაცია და დეტალური ინფორმაცია გადასამზადებელ პროგრამასთან დაკავშირებით იხილეთ ბმულზე: https://www.facebook.com/SuramiYouthHouse/
პროექტი ახალგაზრდული მუშაობა @ ციფრული სამყარო მიზნად ისახავს ახალგაზრდული საქმიანობისა და არაფორმალური განათლების ხელმისაწვდომობის გაზრდის ხელშეწყობას შიდა ქართლში (და არა მარტო) მოქმედი და დამწყები ახალგაზრდული მუშაკების გაძლიერების მეშვეობით.
პროექტის სამიზნე მუნიციპალიტეტებია: ხაშური, კასპი და გორი, მისი მომიჯნავე სოფლების, დაბებისა და დასახლებების ჩათვლით. პროექტის ფარგლებში შექმნილი ციფრული ახალგაზრდული მუშაკის კომპეტენციების ჩარჩო დოკუმენტი და რესურსები კი ხელმისაწვდომი იქნება ნებისმიერი დაინტერესებული პირისთვის.
პროექტი ახალგაზრდული მუშაობა @ ციფრული სამყარო დაფინანსებულია ახალგაზრდობის სააგენტოს საგრანტო კონკურსის ფარგლებში და ხორციელდება საქართველოს ახალგაზრდულ მუშაკთა ასოციაციასთან მჭიდრო თანამშრომლობით“, - აღნიშნულია ინფორმაციაში.
v-if="article.gallery" v-html="article.gallery"
