რამდენიმე წელი რომ გავა და ეს ქვეყანა განვითარების სხვა ეტაპზე გადავა, გავიხსენებთ, რა სირცხვილია, რომ შიდა სამზარეულოში წარმომადგენელს აგზავნიან, რომ დავსხდეთ და მოვილაპარაკოთ, - ამის შესახებ „ქართული ოცნების“ წევრმა მიხეილ ყაველაშვილმა ევროპული საბჭოს პრეზიდენტის, შარლ მიშელის მიერ საქართველოში სპეციალური წარმომადგენლის დანიშვნაზე საუბრისას ჟურნალისტებს განუცხადა.
როგორც ის აღნიშნავს, ოპოზიციას არ აქვს სურვილი, სამართლებრივი გზა მოძებნოს და „სპეკულაციებით ცდილობს ხალხის მხარდაჭერა მოიპოვოს“.
„თუ გვინდა ევროკავშირში, ეს ხომ დამტკიცდა ფაქტებით არაერთხელ, რომ „ქართული ოცნება“ ამ ღირებულების ერთგულია. გავრილოვის თემა არის ყურით მოთრეული და ეს შეიძლება ფაქტად აღიქვას ადამიანმა?!“, - განაცხადა ყაველაშვილმა.