თბილისის მერია გენდერული თანასწორობის კვირეულის ფარგლებში შეხვედრებს ატარებს

თბილისის მერის მრჩეველი გენდერული თანასწორობის საკითხებში ნინო ბურძენიძე გენდერული თანასწორობის კვირეულის ფარგლებში შეხვედრებს ატარებს და მონაწილეებს ქალთა ფუნდამენტურ უფლებებს, არსებულ გამოწვევებს და საჭიროებებს აცნობს,- ამის შესახებ ინფორმაციას თბილისის მერია ავრცელებს.

უწყების ცნობით, საინფორმაციო შეხვედრა დღეს გლდანის გამგეობაში გაიმართა, სადაც გენდერული თანასწორობის მისაღწევად არაერთ მნიშვნელოვან საკითხზე იმსჯელეს, ასევე, გამოიკვეთა არაერთი საჭიროება გენდერულ ჯგუფებზე მორგებული ადგილობრივი პოლიტიკის წარმოებისთვის.

„შეხვედრაში მონაწილეობდა გლდანის რაიონის გამგებელი ლევან ნაროუშვილი. გარდა ამისა, თბილისის მერის მრჩეველმა მოინახულა ხანდაზმულთა პანსიონატში მცხოვრები ქალები, სადაც მათი ისტორიები და სურვილები მოისმინა.

გენდერული თანასწორობის კვირეული საქართველოში ადგილობრივ თვითმმართველობათა ეროვნული ასოციაციის (NALAG) ეგიდით მიმდინარეობს. კვირეულის ფარგლებში ტარდება საინფორმაციო კამპანია, დისკუსიები და შეხვედრები მოწყვლად ჯგუფებთან.

აღსანიშნავია, რომ მიმდინარე წლის მარტის ბოლოდან დონორ ორგანიზაციებთან ერთად დაგეგმილია გენდერული თანასწორობის მიმართულებით ტრენინგები თბილისის მერიის გადაწყვეტილების მიმღები პირებისათვის, აგრეთვე საქალაქო სამსახურებისა და გამგეობებისთვის. აქტივობების მიზანია ადგილობრივი თვითმმართველობის დონეზე შემუშავდეს ხელშემწყობი პოლიტიკა ცენტრალური ხელისუფლების რეკომენდაციებისა და ვალდებულებების შესასრულებლად“,- ნათქვამია ინფორმაციაში.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა