ზურაბ ჯაფარიძე - თუ რამე იძლევა ოპტიმიზმის საფუძველს, არის დანიელსონის განცხადება, რომ  ის დარჩება საქართველოში მანამ, სანამ შეთანხმებას არ მივაღწევთ

თუ რამე იძლევა ოპტიმიზმის საფუძველს, არის დანიელსონის განცხადება, რომ ის დარჩება საქართველოში მანამ, სანამ შეთანხმებას არ მივაღწევთ, - ამის შესახებ პარტია „გირჩი - მეტი თავისუფლების“ ლიდერმა ზურა ჯაფარიძემ კრისტიან დანიელსონთან შეხვედრის დასრულებისას განაცხადა.

როგორც ჯაფარიძე აცხადებს, კრისტიან დანიელსონის განცხადება საქართველოში დარჩენასთან დაკავშირებით, მიუთითებს, რომ ევროკავშირი პრინციპულად დაინტერესებულია, რომ ქვეყანა კრიზისიდან გამოვიდეს.

ამასთან, ჯაფარიძე დასძენს, რომ დღევანდელ შეხვედრაზე დეტალურად განიხილეს შარლ მიშელის მიერ დატოვებული 6 პუნქტი.

„თუ რამე იძლევა ოპტიმიზმის საფუძველს, არის დანიელსონის განცხადება, რომ ის დარჩება საქართველოში მანამ, სანამ ჩვენ შეთანხმებას არ მივაღწევთ. ეს ცხადია, ოპტიმიზმის საფუძველს იძლევა. ეს ნიშნავს, რომ ზოგადად, ევროკავშირი პრინციპულად დაინტერესებულია, რომ ქვეყანა გამოვიდეს ამ კრიზისიდან. მათ, ამ ქვეყანაში წლების განმავლობაში ჩადებული აქვთ უამრავი ინვესტიცია ბევრი მიმართულებით, მათ შორის, დემოკრატიის განვითარების მიმართულებითაც. ისინი ამ ინვესტიციას მნიშვნელოვნად აფასებენ“, - აცხადებს ჯაფარიძე.

ცნობისთვის, ევროპული საბჭოს პრეზიდენტის შარლ მიშელის სპეციალური წარმომადგენელი კრისტიან დანიელსონი საქართველოში დარჩა და პოლიტიკური პარტიების წარმომადგენლებთან შეხვედრებს აგრძელებს.

ალექსანდრე თვალჭრელიძე - არაფერი შეცვლილა, ჩვენ ვფართხალებთ, ვაქტიურობთ,  მაგრამ პოლიტიკური მატარებელი როგორც მუშტაიდის ბაღში, წრეზე დარბის
ქართული პრესის მიმოხილვა 21.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
კახა ოქრიაშვილი - ბატონი სააკაშვილი ჰიტლერი რომ ყოფილიყო, 2011 წელს, როცა ბიძინა ივანიშვილმა პოლიტიკაში მოსვლის შესახებ განაცხადა, ყველა მხუთავი აირის კამერაში მოხვდებოდა
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს