დარწმუნებული ვარ, 10 წელი და 6 თვე არ მოუწევს არასრულწლოვანს პენიტენციურ დაწესებულებაში ყოფნა, ვინაიდან ჩვენ ვაპირებთ ამ უსამართლო და უღირსი გადაწყვეტილების გასაჩივრებას ზემდგომ ინსტანციებში“, - ამის შესახებ ფეხბურთელ გიორგი შაქარაშვილის მკვლელობაში მსჯავრდებული ზ.ხ.-ს ადვოკატმა გიორგი გელხაურმა ჟურნალისტებთან საუბრისას განაცხადა, რითაც გიორგი შაქარაშვილის მკვლელობაში მსჯავრდებული არასრულწლოვნებს მიმართ 10 წლითა და 6 თვით პატიმრობის შეფარდებაზე ისაუბრა.

როგორც გელხაური აცხადებს, მცხეთის რაიონული სასამართლოს მოსამართლემ ბიძინა სტურუამ „სამარცხვინო“ გადაწყვეტილება გამოაცხადა.

„ მე დარწმუნებული ვარ, 10 წელი და 6 თვე არ მოუწევს არასრულწლოვანს პენიტენციურ დაწესებულებაში ყოფნა, ვინაიდან ჩვენ ვაპირებთ ამ უსამართლო და უღირსი გადაწყვეტილების გასაჩივრებას ზემდგომ ინსტანციებში, ჩვენ აუცილებლად წავალთ სტრასბურგის სასამართლოში.

სტრასბურგის სასამართლო იმსჯელებს ამ მტკიცებულებების არარსებობის ფონზე გამოტანილ დაუსაბუთებელ და უკანონო გადაწყვეტილებასთან დაკავშირებით, რომელიც სამარცხვინოდ მიიღო სტურუამ და გზა არის მის კარიერაში, რომ დაინიშნოს უზენაეს სასამართლოს მოსამართლედ. ზუსტად ეს გადაწყვეტილება და ეს არჩევანი გააკეთა მოსამართლე სტურუამ, რა თქმა უნდა, ჩვენ ამას გავასაჩივრებთ, არ შევეგუებით“,-აცხადებს გელხაური.

ცნობისთვის, ფეხბურთელ გიორგი შაქარაშვილის მკვლელობაში მსჯავრდებულ არასრულწლოვნებს ზ.ხ.-სა და ა.ქ.-ს 14-14 წლიანი სასჯელი მიესაჯათ. თუმცა, არასრულწლოვანთა მართლმსაჯულებიდან გამომდინარე, მათ სასჯელი ერთი მეოთხედით შეუმცირდათ და საბოლოოდ, ისინი პენიტენციურ დაწესებულებაში 10 წელსა 6 თვეს გაატარებენ.