ნოდარ მელაძის გამოკითხვა თბილისის საქალაქო სასამართლოში დასრულდა

„ტვ პირველის" საინფორმაციო სამსახურის ხელმძღვანელის ნოდარ მელაძის გამოკითხვა თბილისის საქალაქო სასამართლოში დასრულდა. გამოკითხვის დასრულების შემდეგ ნოდარ მელაძემ ჟურნალისტებთან განაცხადა, რომ ძირითადი კითხვები, რომელსაც შინაგან საქმეთა სამინისტროს წარმომადგენლები მაგისტრ მოსამართლესთან ერთად ეკითხებოდნენ იყო, თუ სად გაეცნო ლევან მამალაძის ინტერვიუს და ჰქონდა თუ არა ბოლო პერიოდში მასთან კომუნიკაცია.

„გამოძიების ინტერესის საგანს წარმოადგენდა სად გავეცანი ლევან მამალაძის ინტერვიუს, ამას ტელევიზორში ვუყურე თუ ვინმემ გადმოცემით მიამბო. მე ვუპასუხე, რომ ვნახე ფრაგმენტები, რომელიც „ტვ იმედის“ ეთერში გასვლის შემდეგ სოციალურ ქსელში გავრცელდა. აინტერესებდათ, თავად ხომ არ გავარკვიე რაიმე ლევან მამალაძის თქმულ ჩემი და მაკა ჩიხლაძის სიცოცხლის ხელყოფის სავარაუდო საქმესთან დაკავშირებით და ვუთხარი, რომ არა. აინტერესებდათ კომუნიკაცია ხომ არ მქონდა ლევან მამალაძესთან ამ ინტერვიუს შემდეგ ან ლევან მამალაძის მიერ დასახელებულ პირებთან, რომლებიც სავარაუდოდ, გეგმავდნენ ჩვენი სიცოცხლის მოსპობას. ასევე კითხვა იყო, მანამდე ხომ არ ვიცნობდი მათ და მქონდა თუ არა კომუნიკაცია და ვუპასუხე, რომ მე ვარ ჟურნალისტი და ბევრ ადამიანთან მაქვს კომუნიკაცია და ოდესღაც შეიძლება მქონდეს ჩაწერილი ინტერვიუ.

კანონით მე მაქვს უფლება ჩემი პროფესიული საქმიანობის ფარგლებში მოპოვებული ინფორმაცია არ გავასაჯაროვო, იმიტომ, რომ მათ აინტერესებდათ ვისთან ან როდის მქონდა კომუნიკაცია" , - განაცხადა მელაძემ.

ნოდარ მელაძესთან ერთად გამოკითხვაზე ჟურნალისტი მაკა ჩიხლაძეც დაიბარეს, რომელიც თბილისის საქალაქო სასამართლოში დაკითხვაზე მივიდა და ამ წუთებში მაგისტრი მოსამართლის წინაშე შინაგან საქმეთა სამინისტროს წარმომადგენლები კითხავენ.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 23.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
კახა ოქრიაშვილი - 2021 წელს 43%-იანი პლებისციტის დანიშვნა ნიშნავს იმას, რომ 2020 წლის საპარლამენტო არჩევნები არ დასრულებულა
„ლუტეცია ჯგუფი“ ვახტანგ ფხაკაძის სახელობის საქველმოქმედო ფონდს აარსებს
ახალი სერვისი არააქტიური მოპოვების ლიცენზიის მფლობელებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“