გუშინდელი დღე დავამთავრეთ ვაქცინის მხოლოდ 3 დოზის დანაკარგით, სამწუხაროდ, ადამიანს დაუვარდა შპრიცი ამოღებული ვაქცინით, - ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ ვაქცინაციაზე საუბრისას განაცხადა.
როგორც ამირან გამყრელიძე აცხადებს, მაქსიმალურად უნდა ეცადონ, რომ ვაქცინის დოზები არ დაიკარგოს.
„დაავადებათა კონტროლის ეროვნული ცენტრის თანამშრომლები ე.წ. სარეზერვო სიაში გვყავს. „ასტრაზენეკას" ვაქცინა შემოსულია 10 დოზიან ფლაკონებში, როდესაც გაიხსნება არ უნდა დავკარგოთ, მაქსიმალურად უნდა ვეცადოთ. 10 ადამიანი უნდა გვყავდეს რიგში, რომელიც აიცრება.
გუშინ დღის ბოლოს, როდესაც რიგში აღარ იყო 10 ადამიანი, 3 დოზა უნდა დარჩენილიყო, მოდიოდა ზარი დაავადებათა კონტროლის ეროვნულ ცენტრში და აქედან ჩვენები მიდიოდნენ საღამოს და იცრებოდნენ. გუშინდელი დღე დავამთავრეთ მხოლოდ 3 დანაკარგით, სამწუხაროდ, ადამიანს დაუვარდა შპრიცი ამოღებული ვაქცინით",-აცხადებს გამყრელიძე.