„საერთაშორისო საფოსტო კავშირის“ წერილის წერის საერთაშორისო კონკურსში მონაწილეობისათვის წერილების რეგისტრაცია გრძელდება

საერთაშორისო საფოსტო კავშირის" (Universal Postal Union) წერილის წერის საერთაშორისო კონკურსში მონაწილეობისათვის წერილების რეგისტრაცია გრძელდება. ამის შესახებ „ინტერპრესნიუსს“ „საქართველოს ფოსტიდან“ აცნობეს.

მათი ინფრომაციით, "წერილის წერის საერთაშორისო კონკურსი" საქართველოში მიმდინარე წელს მერვედ გაიმართება, რომლის ორგანიზებასაც საქართველოში ახორციელებს "საქართველოს ფოსტა".

როგორც ინფორმაციაშია აღნიშნული, "საერთაშორისო საფოსტო კავშირის" წერილის წერის საერთაშორისო კონკურსი, რომელსაც საფუძველი ჩაეყარა 1971 წელს "მსოფლიო საფოსტო კავშირის" ტოკიოს კონგრესზე, მიმდინარე წელს 50 წლის იუბილეს აღნიშნავს. ყოველწლიურად, მსოფლიო მასშტაბით, კონკურსში მილიონობით მოზადი ღებულობა მონაწილეობას.

„2021 წლის საკონკურსო თემა გახლავთ "მისწერე წერილი შენი ოჯახის წევრს შენი გამოცდილების შესახებ კოვიდ 19 პანდემიასთან დაკავშირებით". კონკურსის მიზანია თანამედროვე ტექნოლოგიების ეპოქაში, წერილის წერის ტრადიციის აღდგენა, დამკვიდრება და 15 წლამდე მოზარდებში წერილობითი ურთიერთობის პოპულარიზაცია.

ჟიური გამოავლენს საუკეთესო სამეულს, პირველი ადგილის მფლობელის ნამუშევარი კი გაიგზავნება "მსოფლიო საფოსტო კავშირში" და ჩაერთვება საერთაშორისო საკონკურსო პროგრამაში.

ნაშრომის წარდგენა შესაძლებელია მიმდინარე წლის 1 მარტიდან 2 აპრილის ჩათვლით.

საკონკურსო წესებისა და პირობების შესახებ დეტალურ ინფორმაციას გაეცანით „საქართველოს ფოსტის“ ვებ-გვერდზე gpost.ge.

„საქართველოს ფოსტა“ გისურვებთ წარმატებებს!“ , - ნათქვამია ინფორმაციაში.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა