ზაალ უდუმაშვილი - ,,ოცნების” ხელწერაა, როდესაც შუა მოლაპარაკებების პროცესში მთავარი ოპოზიციური პარტიის შენობას ცეცხლსასროლი იარაღიდან ესვრიან
ესაა ,,ქართული ოცნების” ხელწერა, როდესაც შუა მოლაპარაკებების პროცესში მთავარი ოპოზიციური პარტიის შენობას ცეცხლსასროლი იარაღიდან ესვრიან, - ასე ეხმაურება "ნაციონალური მოძრაობის” ერთ-ერთი ლიდერი ზაალ უდუმაშვილი კახეთის გზატკეცილზე მდებარე „ნაციონალური მოძრაობის“ ოფისის მისამართით სროლის საკითხს.
უდუმაშვილის განცხადებით, ეს ქმედება წინასწარ განზრახული იყო და სპონტანური არ ყოფილა.
"ცეცხლსასროლი იარაღიდან არის ნასროლი ნიკა მელიას ბანერისთვის, რომელიც გაკრულია ჩვენი ოფისის კედელზე. სამწუხაროდ, ჩვენ ასეთ ქვეყანაში ვცხოვრობთ, სადაც პოლიტიკურ ოპონენტებს პირდაპირ ცეცხლსასროლი იარაღიდან ესვრიან. ეს წინასწარ განზრახული ქმედება იყო და არ არის სპონტანური. სწორედ ,,ქართული ოცნების” ხელწერაა, როდესაც შუა მოლაპარაკებების პროცესში მთავარი ოპოზიციური პარტიის შენობას ცეცხლსასროლი იარაღიდან ესვრიან”, - აღნიშნა ზაალ უდუმაშვილმა.
v-if="article.gallery" v-html="article.gallery"
