ხათუნა სამნიძე - საჭიროა კომპრომისი ორივე მხრიდან, რომ მივაღწიოთ შეთანხმებას

საჭიროა კომპრომისი ორივე მხრიდან იმისთვის, რომ მივაღწიოთ შეთანხმებას, - ამის შესახებ „რესპუბლიკური პარტიის" თავმჯდომარემ, ხათუნა სამნიძემ ჟურნალისტებთან „ქართულ ოცნებასა“ და ოპოზიციურ პარტიებს შორის შეხვედრის დაწყებამდე განაცხადა.

ხათუნა სამნიძე იმედოვნებს, რომ მხარეებს შორის პოზიციები დაახლოვდება.

„ბრიუსელში მთავარი განცხადება, რაც გაკეთდა, იყო იმისთვის, რომ გადაიჭრას ეს კონფლიქტი და ღრმად არ შევიდეთ ამ დაპირისპირებაში. ამისთვის აუცილებელია, მხარეებმა გამონახონ ყველანაირი გზა, მათ შორის, საჭიროა კომპრომისი ორივე მხრიდან იმისთვის, რომ მივაღწიოთ შეთანხმებას. ეს შეთანხმება ევროპის პასუხისმგებლობაა. პირადად აიღო საკუთარ თავზე ინიციატივა ევროპული საბჭოს პრეზიდენტმა შარლ მიშელმა, რომელმაც პირველად შეგვახვედრა, პრემიერმა აიღო პასუხისმგებლობა, რომ ეს მოლაპარაკებები გაგრძელდებოდა.

მოლაპარაკების ბოლოსკენ მივდივართ. ჩვენი, ოპოზიციის პოზიციები ცნობილია მედიატორისთვის, დანიელსონისთვის. ველოდები, რომ დაახლოვდება ეს პოზიციები და მივაღწევთ შეთანხმებას. ეს შეთანხმება არის ქვეყნის გამარჯვებისკენ გზა. აუცილებელია იმისთვის, რომ კიდევ ერთხელ დავუმტკიცოთ ჩვენს პარტნიორებს, რომ ეს ქვეყანა ირჩევს ევროპას“,-აცხადებს სამნიძე.

ცნობისთვის, ევროკავშირის წარმომადგენლობის ოფისში, „ქართულ ოცნებასა“ და ოპოზიციურ პარტიებს შორის შეხვედრა მიმდინარეობს. აუდიენცია მედიატორის მონაწილეობით ჩაივლის. შეგახსენებთ, რომ ხელისუფლებასა და ოპოზიციას შორის მოლაპარაკებებში მედიატორი კრისტიან დანიელსონია, რომელიც ევროპული საბჭოს პრეზიდენტმა შარლ მიშელმა თბილისში საკუთარ წარმომადგენლად დანიშნა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა