ვახტანგ მეგრელიშვილი - ხვალ დავასრულებთ საკითხების სრულად გავლას
„გირჩის“ ერთ-ერთი ლიდერის ვახტანგ მეგრელიშვილის განცხადებით, „ქართულ ოცნებასა“ და ოპოზიციურ პარტიებს შორის ხვალინდელ შეხვედრაზე საკითხების განხილვა დასრულდება.
როგორც მან ჟურნალისტებთან განაცხადა, შეთანხმება იქამდე არ შედგება, სანამ ყველა საკითხს არ გაივლიან.
„შეთანხმება ნიშნავს ყველაფერზე შეთანხმებას, არა რომელიმე კონკრეტულ საკითხზე, არამედ ყველაფერზე. შესაბამისად, არ დაგვისრულებია, შეთანხმება არ იქნება მანამ, სანამ ყველაფერს არ გავივლით. ხვალ დავასრულებთ სრულად გავლას“, - აცხადებს მეგრელიშვილი.
ცნობისთვის, ევროკავშირის წარმომადგენლობის ოფისში, „ქართულ ოცნებასა“ და ოპოზიციურ პარტიებს შორის შეხვედრა მედიატორის მონაწილეობით ჩატარდა.
შეგახსენებთ, რომ ხელისუფლებასა და ოპოზიციას შორის მოლაპარაკებებში მედიატორი კრისტიან დანიელსონია, რომელიც ევროპული საბჭოს პრეზიდენტმა შარლ მიშელმა თბილისში საკუთარ წარმომადგენლად დანიშნა.
v-if="article.gallery" v-html="article.gallery"
