აშშ-ში რუსეთის ელჩი კონსულტაციებისთვის მოსკოვში გაიწვიეს

მოსკოვმა აშშ-ში რუსეთის ელჩი კონსულტაციებისთვის გაიწვია. მედიის ინფორმაციით, რუსეთმა ეს გადაწყვეტილება აშშ-ის პრეზიდენტის, ჯო ბაიდენის ვლადიმერ პუტინის შესახებ გაკეთებული განცხადების შემდეგ მიიღო.

რუსეთის საგარეო საქმეთა სამინისტრომ განაცხადა, რომ ელჩი, ანატოლი ანტონოვი მოსკოვში გამოიძახეს, რათა შეერთებული შტატებისა და რუსეთის მომავალი ურთიერთობები განიხილონ.

”ჩვენთვის მთავარია განვსაზღვროთ ის გზები, თუ როგორ შეიძლება გამოსწორდეს რუსეთ-ამერიკის რთული ურთიერთობები, რომელიც ვაშინგტონმა ბოლო წლებში ჩიხში შეიყვანა. დაინტერესებულნი ვართ, რომ თავიდან ავიცილოთ მათი გარდაუვალი დეგრადაცია, თუ ამერიკელები აღიარებენ რისკებს,“- აღნიშნა რუსეთის საგარეო უწყების პრესსპიკერმა მარია ზახაროვამ.

შეგახსენებთ, გუშინ აშშ-ის პრეზიდენტმა ჯო ბაიდენმა განაცხადა, რომ რუსეთის პრეზიდენტი ვლადიმერ პუტინი აშშ-ის 2020 წლის საპრეზიდენტო არჩევნებში ჩარევისთვის „საფასურს გადაიხდის“ .

ბაიდენმა კომენტარი მას შემდეგ გააკეთა, რაც აშშ-ის დაზვერვამ ანგარიში გამოაქვეყნა, სადაც აღნიშნულია, რომ მოსკოვის მიერ აშშ-ის არჩევნებში ჩარევის უკან ვლადიმერ პუტინი დგას. მოსკოვმა ამ ბრალდებას „უსაფუძვლო“ უწოდა.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა