ავღანეთში, მაიდან-ვარდაკის პროვინციაში, უსაფრთხოების ძალების ვერტმფრენი ჩამოვარდა, დაღუპულია 9 ადამიანი, - Reuters-ის ინფორმაციით, ამის შესახებ ავღანეთის თავდაცვის სამინისტროში განაცხადეს.

უწყების მიერ გავრცელებულ განცხადებაში აღნიშნულია, რომ ისინი ვერტმფრენის კატასტროფის მიზეზებს იძიებენ.

დაღუპულთა შორის ეკიპაჟის წევრები და ავღანეთში უსაფრთხოების ძალების თანამშრომლები არიან.

Reuters-ის ინფორმაციით, სააგენტოს წყარომ განუცხადა, რომ ვერტმფრენს აფრენისას რაკეტა დაეჯახა.