კრემლის პრესსპიკერის დიმიტრი პესკოვის განცხადებით, რუსეთის პრეზიდენტი ვლადიმერ პუტინი სამი რუსული წარმოების ვაქცინიდან ერთ-ერთით დღეს, დღის ბოლომდე აიცრება.

„ჩვენ მიზანმიმართულად არ დავასახელებთ, რომელი ვაქცინით აიცრება პრეზიდენტი. სამივე რუსული ვაქცინა აბსოლუტურად საიმედო, კარგი, უსაფრთხო და ეფექტურია, ”- განმარტა მან.

მისივე თქმით, ვლადიმერ პუტინს კამერების წინ ვაქცინაციის იდეა არ მოსწონს.

„რაც შეეხება ვაქცინაციას კამერებთან, ეს მას არ მოსწონს,“- აღნიშნა კრემლის პრესსპიკერმა.