ჯორჯ კენტმა უპასუხა სენატორ ჯიმ რიშის კითხვას, განიხილავს თუ არა ამერიკული მხარე საქართველოსთვის გამოყოფილი სამხედრო დახმარების მიცემისთვის გარკვეული პირობების დაწესებას

ეს არის საერთო პასუხისმგებლობა კონგრესმენების - ორივე პალატის, ორივეს პარტიის, ისევე როგორც ადმინისტრაციის, რომ გადადგას ნაბიჯები, რომლებიც საქართველოს სჭირდება წარმატებისთვის ,- ამის შესახებ აშშ-ის სახელმწიფო მდივნის მოადგილის თანაშემწემ ჯორჯ კენტმა აშშ-ის სენატის საგარეო ურთიერთობათა კომიტეტის ევროპისა და რეგიონული უსაფრთხოების საკითხებზე თანამშრომლობის ქვეკომიტეტის სხდომაზე განაცხადა.

მან უპასუხა სენატორ რიშის კითხვას, განიხილავს თუ არა ამერიკული მხარე საქართველოსთვის გამოყოფილი სამხედრო დახმარების მიცემისთვის გარკვეული პირობების დაწესებას, როგოც ეს ცოტა ხნის წინ ევროკავშირმა გააკეთა, საქართველოსთვის გასაცემი დახმარების სანაცვლოდ.

„თქვენ და თქვენმა კოლეგებმა გასულ წელს დაუწესეთ გარკვეული ლიმიტირებული პირობები საქართველოსთვის განკუთვნილ დახმარების ნაწილს და ჩვენ, რა თქმა უნდა, ავუხსენით ჩვენს ქართველ მეგობრებს, რომ ეს იყვნენ საქართველოს მეგობრები, ვისაც სურდათ, ქვეყანას წარმატებისთვის მიეღწია. კონკრეტული ასიგნატორები უკიდურესად გულუხვები იყვნენ და დახმარება საქართველოს უკვე წლებია მიეწოდება. ვფიქრობ, რომ დახმარებაზე პირობის დაწესების საკითხი სხვა გარემოებებშიც განგვიხილავს, მაგალითად მისი დაწესება მოხდა უკრაინის უსაფრთხოებისთვის გამოყოფილ დახმარებაზე. ასე რომ, უნდა განვიხილოთ ის თუ რისთვის არის განსაზღვრული ასიგნებები, ისევე როგორც პირობითობა. თუმცა ვფიქრობ, რომ ეს არის საერთო პასუხისმგებლობა კონგრესმენების - ორივე პალატის ორივეს პარტიის, ისევე როგორც ადმინისტრაციის, რომ გადადგას ნაბიჯები, რომლებიც საქართველოს სჭირდება წარმატებისთვის", - აღნიშნა კენტმა.

სენატორ რიშის მიერ დასმულ კითხვას კარა მაკდონალდსმაც უპასუხა და აღნიშნა, რომ ამერიკა ყოველთვის აფასებს იმას, თუ როგორ შეიძლება მის მიერ გაწეული დახმარება უფრო ეფექტიანი იყოს, რადგან არ შეიძლება, რომ განხილული რეფორმები საქართველოზე მეტად ამერიკაში სურდეთ.

„ჩვენ მუდმივად ვაფასებთ, თუ როგორ შეიძლება ჩვენი დახმარება უფრო მეტად ეფექტიანი გავხადოთ. რეფორმები, რომლებზეც ვისაუბრეთ, არ შეიძლება ჩვენ უფრო გვინდოდეს, ვიდრე მათ. ისინი უნდა იყვნენ ამის მიმართ ვალდებულნი. ვფიქრობ, რომ დიალოგზე და ჩიხიდან გამოსვლაზე ფოკუსირებასთან ერთად, ჩვენ უნდა განვიხილავდეთ ყველა მიდგომას და მუდმივად ვაფასებდეთ, რომელი მიდგომა და ინსტრუმენტი დაგვეხმარება“, – განაცხადა კარა მაკდონალდმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში