ჯანდაცვის სამინისტროში, ჯანდაცვის მინისტრის მოადგილის თამარ გაბუნიასა და კლინიკების ხელმძღვანელებს შორის შეხვედრა მიმდინარეობს.

არსებული ინფორმაციით, შეხვედრაზე ქვეყანაში კორონავირუსის ვაქცინაციის მიმდინარეობაზე იმსჯელებენ.

დამატებითი ინფორმაცია, თუ რა საკითხები განიხილეს, შეხვედრის დასრულებისას გახდება ცნობილი.

შეგახსენებთ, საქართველოში დღეს „ფაიზერის“ ვაქცინა შემოვა.

ქვეყანაში „ასტრაზენეკას“ ვაქცინის პირველი პარტია 13 მარტს შემოვიდა და ვაქცინაციის პროცესი 15 მარტს დაიწყო.

ვაქცინის პირველი დოზები პირდაპირ ეთერში გაიკეთეს, ქვეყნის ჯანდაცვის მინისტრმა, დაავადებათა კონტროლის ეროვნული ცენტრის თანამშრომლებმა, წამყვანი კლინიკების მედიკოსებმა, მათ შორის, აჭარის ჯანდაცვის მინისტრმაც.

ამ ეტაპზე კორინავირუსის ვაქცინაცია შესაძლებელია სამედიცინო პერსონალისთვის. 65 წელს ზემოთ ასაკის მოქალაქეებისთვის, ვაქცინაციასთან დაკავშირებული რეგისტრაციის გავლის მიზნით, შესაბამისი პორტალი ხელმისაწვდომი კი 25 მარტიდან იქნება.

იხილეთ ვიდეო:ჯანდაცვის სამინისტროში კლინიკების ხელმძღვანელებთან შეხვედრა მიმდინარეობს