სოზარ სუბარი - როცა ადამიანს ეშინია, "ქოცი" არ დაუძახონ, მოლაპარაკება არ შველის - ლოცვების გაძლიერება თუ უშველის, ამისთვისაც მზად ვართ

როცა ადამიანს ეშინია, "ქოცი" არ დაუძახონ, მოლაპარაკება არ შველის - ლოცვების გაძლიერება თუ უშველის, ამისთვისაც მზად ვართ, - ამის შესახებ საპარლამენტო უმრავლესობის წევრმა სოზარ სუბარმა „პალიტრანიუსის“ გადაცემაში „360 გრადუსი“ განაცხადა.

მისი შეფასებით, საქართველოს მესამე პრეზიდენტი „მიხეილ სააკაშვილი ის ადამიანია, რომელსაც მოლაპარაკებების მაგიდის აყირავება ყველაზე მეტად უნდა“.

„ვმუშაობთ, მაგრამ ზოგიერთ პარტიასთან, როცა ადამიანს ასე ეშინია ვაიმე, ქოცი არ დამიძახონ და „ქართული ოცნების“ წევრიო, მოლაპარაკება არ შველის და ახლა ლოცვების გაძლიერება თუ უშველის, ამისთვისაც მზად ვართ“, - განაცხადა სუბარმა.

სოზარ სუბარმა ასევე ისაუბრა „ნაციონალური მოძრაობის“ თავმჯდომარის, ნიკა მელიას საქმეზე, როგორც დეპუტატი აცხადებს, ის გირაოს გადაიხდის და საპატიმროს დატოვებს.

„მელიასთან დაკავშირებით ყველაზე მარტივად არის საქმე, 40 ათას ლარს გადაიხდიან, გამოვა გარეთ. ძალიან მკაფიო გზავნილი მივიღეთ სენატში მოსმენისგან, სადაც ბატონმა კენტმა თქვა, რომ დიახ, ამ ადამიანმა დაარღვია კანონი. ცუდია, რომ ეს კაცი ციხეშია, მაგრამ მან დაარღვია კანონი და ის ყველასთვის ერთია. მითუმეტეს, უფრო მსუბუქი სანქცია, ვიდრე გირაოს გადახდაა, არ არსებობს“, - განაცხადა სუბარმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით