მეუფე სტეფანე - ვინც მონაწილეობდა თავდასხმაში ეკლესიაზე, ეკრძალებათ ზიარება, ვიდრე არ მოინანიებენ

ჭყონდიდის მიტროპოლიტმა სტეფანემ, მრევლისა და ბერ-მონაზვნების ნაწილს, რომლებიც, მისი თქმით, ეკლესიაზე თავდასხმასა და ამბოხში მონაწილეობდნენ, ზიარება აუკრძალა იქამდე, ვიდრე არ მოინანიებენ. ამის შესახებ მიტროპოლიტმა აბაშის ტაძარში საკვირაო წირვის შემდეგ ისაუბრა.

მეუფის თქმით, მათ მოეხსნებათ ეპიტამია, თუ ზუსტად ეცოდინება, რომ მოინანიეს.

"მინდა მოვუწოდო, რომ ვინც მონაწილეობდა თავდასხმაში ეკლესიაზე და ვინც მონაწილეობს ამბოხში, რომელიც არის ეკლესიის წინააღმდეგ, (ჯერ კიდევ ეს ამბოხი გრძელდება თავისი სხვადასხვა გამოხატულებით) ყველამ მოინანიოს. ერისკაცებს მივმართავ პირველ რიგში, ჯერ ამ ეტაპზე. მოინანიონ ყველამ და თხოვონ შენდობა თავის მოძღვარს. ვინც არ მოინანიებს, ეკრძალებათ ზიარება. ვინც არ არის ქრისტიანი ეს იმათთვის არაფერი არ არაა, მაგრამ ბერებს და მონაზვნებს, რომლებიც მონაწილეობენ ამბოხში, ასევე დღეიდან, ვინც არ მოინანია, ეკრძალებათ ზიარება, სანამ არ მოინანიებენ. ახლა მე ზუსტად უნდა ვიცოდე, რომელმა ბერმა და რომელმა მონაზონმა მოინანია. კონკრეტულად მე უნდა ვიცოდე და მაშინ მოვუხსნი ეპიტამიას. უზიარებლობის ეპიტამია მოეხსნებათ მხოლოდ მათ ბერთაგან და მონაზონთაგან, დღეს არ ვამბობ ხარისხში მყოფებზე... მოეხსნებათ ეპიტამია, თუ ზუსტად მეცოდინება, რომ მოინანიეს. თუმცა მათ არ მოვთხოვ საჯარო მონანიებას. უბრალოდ, მათ შეუძლიათ მოვიდნენ მთხოვონ შენდობა",- განაცხადა მეუფემ.

ცნობისთვის, ბოლო პერიოდში ჭყონდიდის ეპარქიაში სასულიერო პირთა ნაწილი გაფართოებულ საეკლესიო კრებას მოითხოვს. ისინი ახლად დანიშნულ მეუფეს არ ცნობენ და ყოფილი მიტროპოლიტის პეტრე ცაავას მიერ ბოლო დროს გაკეთებული განცხადებების განხილვას ითხოვენ. ჭყონდიდის ეპარქიაში სასულიერო პირები მეუფე სტეფანეს რამდენჯერმე დაუპირისპირდნენ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით