ინდონეზიის სახელმწიფო ნავთობკომპანიამ Pertamina-მ განაცხადა, რომ დასავლეთ ჯავაში მდებარე Balongan- ის ნავთობგადამამუშავებელ ქარხანაში მასიურ ხანძარს ებრძვიან, - ამის შესახებ ინფორმაციას Reuters-ი ავრცელებს.

სააგენტოს ცნობით, ხანძრის შედეგად, რომელიც წუხელ გაჩნდა, 5 ადამიანი დაშავდა.

ამასთან, ახლომდებარე დასახლებიდან 950-მდე მოქალაქეა ევაკუირებული.

”ხანძრის მიზეზი უცნობია, მაგრამ ინციდენტი ძლიერი წვიმისა და ელვის დროს მოხდა”, - აცხადებენ ნავთობკომპანიაში.

Reuters-ის ინფორმაციით, ხანძრის გამომწვევი მიზეზის გამოძიების პროცესში ჯავას პროვინციის პოლიცია ჩაერთვება.