ირაკლი კობახიძე არასამთავრობო ორგანიზაციების წინადადებაზე - არ ენდობიან დანიელსონის უნარებს თუ რა ხდება?
როდესაც წარიმართება მოდერაცია ევროკავშირის საბჭოს პრეზიდენტის წარმოდგენილი პირის მხრიდან და როდესაც შენ ცდილობ საჯაროდ მოდელირებას, რა გამოდის, არ ენდობიან დანიელსონის უნარებს თუ რა ხდება? - ამის შესახებ პარტია „ქართული ოცნების“ თავმჯდომარემ, ირაკლი კობახიძემ არასამთავრობო ორგანიზაციების წინადადებასთან დაკავშირებით განაცხადა, რომელიც არსებული პოლიტიკური ვითარებიდან გამოსავლის გზას ეხება.
მისივე შეფასებით, არასამთავრობო ორგანიზაციების მხრიდან ასეთი ნაბიჯი არასწორია.
„არასწორი ნაბიჯია, როდესაც წარიმართება მოდერაცია, როდესაც წინადადებებს აყენებს მოდერატორი და შენ ცდილობ, საჯარო მოდერაცია გაუწიო პროცესს. ეს ან გამოცდილების ბრალია ან სხვა რამის. არასწორი ნაბიჯი იყო თავისთავად და იყო კონტრ პროდუქტიული იმ მოდერაციისთვის, რომელსაც ჩვენი პარტნიორები აწარმოებენ“, - განაცხადა კობახიძემ.
ცნობისთვის, არასამთავრობო ორგანიზაციები მედიაციის პროცესში ჩართულ პოლიტიკოსებს მიმართავენ და არსებული პოლიტიკური ვითარებიდან გამოსავლის ხედვას სთავაზობენ, რომელიც ევროპული საბჭოს პრეზიდენტის, შარლ მიშელის 6- პუნქტიან ჩარჩო დოკუმენტს ემყარება.
v-if="article.gallery" v-html="article.gallery"
