სალომე სამადაშვილი - საუბარი გვქონდა მთავარ თემაზე, რაც პრინციპულად მნიშვნელოვანია და ესაა პოლიტპატიმრების საკითხი - მედიატორებთან სრულიად ჰარმონიული ხედვა გვაქვს, დანარჩენი პროცესში გამოჩნდება

მედიატორებთან სრულიად ჰარმონიული ხედვა გვაქვს, მათთვის ჩვენი რეალობის აღქმა გასაგებია, დანარჩენი შემდეგ პროცესში გამოჩნდება - ევროპაშიც და აშშ-შიც „ქართული ოცნებისგან“ ძალიან განსხვავებული ხედვა აქვთ, - ამის შესახებ “ნაციონალური მოძრაობის” ერთ-ერთმა ლიდერმა სალომე სამადაშვილმა ჟურნალისტებთან განაცხადა.

მისივე თქმით, იმისთვის, რომ შეთანხმება შედგეს, „ქართულმა ოცნებამ“ უნდა გაითვალისწინოს, მკაფიო გზავნილები როგორც ბრიუსელიდან, ასევე ვაშინგტონიდან.

„ჩვენ საუბარი მთავარ თემაზე გვქონდა, რაც პრინციპულად მნიშვნელოვანია ჩვენთვის და ესაა პოლიტპატიმრების გათავისუფლების თემა. ვფიქრობთ, რომ ყველას კარგად ესმის, მათ შორის მედიატორებს, რომ ამ პრობლემის გადაჭრის გარეშე საერთოდ არანაირი სივრცე შეთანხმების არ იარსებებს. დღეს დეტალური საუბარი გვქონდა პოლიტპატიმრების პრობლემაზე, ქვეყანაში მართლმსაჯულების გამოწვევებზე.

ოპოზიციის განწყობაა, რომ შეთანხმების გზით ქვეყანაში არსებული გამოწვევები უნდა მოვაგვაროთ. ამ თვალსაზრისით ჩვენ გვაქვს სრულიად ჰარმონიული ხედვა მედიატორებთან და მათთვის ჩვენი აღქმა რეალობის გასაგებია, დანარჩენი შემდეგ პროცესში გამოჩნდება.

ნიკა მელია პოლიტიკური ნიშნით განხორციელებული დევნის მსხვერპლია, ამიტომ გირაოს გადახდის საკითხი, თუ რატომ არ გადაიხადა მან გირაო პოლიტიკური განაცხადი იყო.

სხვა შეხედულება აქვთ: არჩევნებზე, პოლიტპატიმრებზე, ქვეყანაში პოლიტიკურ დევნაზეც. მინდა გითხრათ, რომ „ქართული ოცნებისგან“ ძალიან განსხვავებული ხედვა აქვთ ევროპაშიც და აშშ-იც. იმისთვის, რომ შეთანხმება შედგეს, „ქართულმა ოცნებამ“ უნდა გაითვალისწინოს, მკაფიო გზავნილები, როგორც ბრიუსელიდან, ასევე ვაშინგტონიდან“, - განაცხადა სამადაშვილმა.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე