“ადამიანის უფლებათა ცენტრის”  ინფორმაციით, მათი შეფასებები აშშ-ის სახელმწიფო დეპარტამენტის ანგარიშში აისახა

ადამიანის უფლებათა ცენტრის ინფორმაციით, მათი შეფასებები აშშ-ის სახელმწიფო დეპარტამენტის ანგარიშში აისახა.

როგორც ორგანიზაციაში განმარტავენ, აშშ-ის სახელმწიფო დეპარტამენტი, გასული წლის მსგავსად, 2019 წლის 20-21 ივნისის მოვლენებთან დაკავშირებით დაწყებული სისხლის სამრთლის საქმეების სასამართლო პროცესების შეფასებისას, ეყრდნობა ადამიანის უფლებათა ცენტრის მიერ მომზადებულ ანგარიშს, რომელშიც საუბარია აქციის დაშლის შესახებ მიღებული გადაწყვეტილების ლეგიტიმურობასა და პროპორციულობაზე;

„30 მარტს ამერიკის შეერთებული შტატების სახელმწიფო დეპარტამენტის ყოველწლიური ანგარიში გამოქვეყნდა. დოკუმენტი 2020 წელს საქართველოში ადამიანის უფლებათა მდგომარეობასა და ამ მხრივ არსებულ გამოწვევებსაც აფასებს.

ანგარიში ვრცლად მიმოიხილავს, გასულ წელს, ადამიანის უფლებებთან დაკავშირებით ქვეყანაში არსებულ გამოწვევებს. მათ შორის, ყველაზე მწვავე პრობლემებად ასახელებს სასამართლო სისტემის დამოუკიდებლობის პრობლემას, მათ შორის: დაკავებებს, გამოძიებისა და სისხლისსამართლებრივი დევნის პოლიტიზებას, პირად ცხოვრებაში უკანონო ჩარევის პრაქტიკას, შეკრებისა და გაერთიანების უფლების შეზღუდულ პატივისცემასა და სხვადასხვა სახის ძალადობრივ დანაშაულებებს ან მუქარას ლგბტი ადამიანებისადმი.

აშშ-ის სახელმწიფო დეპარტამენტი, გასული წლის მსგავსად, 2019 წლის 20-21 ივნისის მოვლენებთან დაკავშირებით დაწყებული სისხლის სამრთლის საქმეების სასამართლო პროცესების შეფასებისას, ეყრდნობა ადამიანის უფლებათა ცენტრის მიერ მომზადებულ ანგარიშს, რომელშიც საუბარია აქციის დაშლის შესახებ მიღებული გადაწყვეტილების ლეგიტიმურობასა და პროპორციულობაზე; მოვლენებთან დაკავშირებული პირების მიმართ დაწყებულ სისხლისსამართლებრივ დევნასა და ამ პირთა საქმეების სასამართლოებში განხილვის პრაქტიკაზე; გამოყენებული პატიმრობებსა და გამამტყუნებელ განაჩენებზე; ჟურნალისტური საქმიანობის განხორციელებაში ჩარევის შემთხვევებზე; დაზარალებულად ცნობაზე უარის თქმის საკითხებზე; სამართალდამცავთა მხრიდან ფიზიკური და სიტყვიერი შეურაცხყოფის, არასათანადო მოპყრობის და მათზე სახელმწიფოს მხრიდან ეფექტიან და ობიექტურ გამოძიებაზე უარის თქმის საკითხებზე; არამართლზომიერი დაპატიმრების, პოლიციის მხრიდან ძალის გადამეტებისა და შეკრების თავისუფლების შესახებ,“- ნათქვამია ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით