თბილისის სახელმწიფო უნივერსიტეტის პირველი კორპუსის ეზოში სამოქალაქო მოძრაობა "დროას”, "შეცვალეს”,"სოცაფეთქებას” ასევე პოლიტიკური პარტია "ლელოს” წევრები და "ევროპული საქართველოს” ახალგაზრდული ფრთის წევრები შეიკრიბნენ. ისინი მსვლელობით ფილარმონიასთან გადაინაცვლებენ, რის შემდეგაც პარლამენტის წინ მიმდინარე აქციას შეუერთდებიან.

"ჩვენ ვაპროტესტებთ პოლიტიკურ „კომენდანტის საათს“, რომელიც ეძღვნება არა ჯანდაცვის მიზნებს, არამედ პოლიტიკურ მიზნებს. "ქართულმა ოცნებამ” დაგვანახა, რომ მისი დეპუტატებისთვის და კრემლის პროპაგანდისტებისთვის არ არსებობს სოციალური შეზღუდვები, ხოლო აქტივისტები, რომლებიც მშვიდობიან დემონსტრაციებში ვიღებთ მონაწილეობას, ვართ სისხლის სამართლებრივი დევნის ობიექტი. ამიტომ, კიდევ ერთხელ მოვუწოდებთ "ქართულ ოცნებას”, რომ შეწყდეს პოლიტიკური „კომენდანტის საათი“, მოიხსნას ჯარიმები და შეწყდეს სისხლის სამართლებრივი დევნა”, - აღნიშნა აქციის მონაწილე ირაკლი ფავლენიშვილმა.