საფრანგეთში კორონავირუსის პანდემიის შეჩერების მიზნით ახალი შეზღუდვები უკვე მესამედ ამოქმედდა.

BBC-ის ინფორმაციით, შეზღუდვებს შორისაა “კომენდანტის საათი”, რომელიც 19:00-დან 06:00-მდე მოქმედებს.

ამასთან, ქვეყანაში მაღაზიები და სკოლები 2 კვირის განმავლობაში დაიხურა.

გამოცემის ცნობით, საფრანგეთის მოსახლეობას საცხოვრებელი სახლიდან 10 კილომეტრის რადიუსს გარეთ გადაადგილება ეკრძალებათ, აუცილებელი საჭიროების შემთხვევაში მათ სპეციალური საშვი უნდა წარადგინონ. საფრანგეთში კორონავირუსი 4.7 მილიონზე მეტ ადამიანს დაუდგინდა, ვირუსს 96 000-ზე მეტი ინფიცირებული ემსხვერპლა.