გერმანიამ „ლოქდაუნის“ ფარგლებში დაწესებული შეზღუდვები 2-3 კვირით უნდა გაამკაცროს, - ამის შესახებ ანგელა მერკელის პარტიის, „ქრისტიან დემოკრატიული კავშირის“ თავმჯდომარემ, არმინ ლაშეტმა განაცხადა.
მისი თქმით, ქვეყნის ეკონომიკის გახსნის დაწყებამდე აუცილებელია, რომ ყოველ 100 000-ს მოსახლეზე ინფიცირების 100 შემთხვევაზე ნაკლები ფიქსირდებოდეს.
„შემდეგ ჩვენ შევძლებთ ახალ ეტაპზე გადასვლას, სადაც ეკონომიკის ხელახლა გახსნას სიფრთხილით განვახორციელებთ,“- განაცხადა ტელეკომპანია ZDF-თან საუბარში არმინ ლაშეტმა, რომელიც ჩრდილოეთი რაინ-ვესტფალიის რეგიონის პრემიერია.
ცნობისათვის, გერმანიაში, გასული დღე-ღამის განმავლობაში, კორონავირუსის 6 885 ახალი შემთხვევა გამოვლინდა და ინფიცირებულთა საერთო რაოდენობა 2 900 768-მდე გაიზარდა, ამასთან, ვირუსს კიდევ 90 ადამიანის სიცოცხლე ემსხვერპლა და დაღუპულთა რიცხვმა 77 103-ს მიაღწია.