ერევანში ქალების საპროტესტო აქცია მიმდინარეობს, რომლებიც ომის ტყვეების დაბრუნებას ითხოვენ
ერევანში, მთავრობის შენობასთან, ქალების აქცია მიმდინარეობს, რომლებიც ომის ტყვეების დაბრუნებას ითხოვენ, - ამის შესახებ ინფორმაციას ადგილობრივი მედია ავრცელებს.
მათივე ინფორმაციით, აქცია ოპოზიციური მოძრაობა „ვეტოს“ მიერაა ორგანიზებული.
მთავრობის შენობასთან პოლიციაა მობილიზებული. მედიის ინფორმაციით, მომიტინგეების მცდელობა, პოლიციის კორდონი გაერღვიათ, მათსა და სამართალდამცავებს შორის შეკამათებით დასრულდა.
აქციის დაწყებამდე მოძრაობა „ვეტომ“ განცხადება გაავრცელა, სადაც აღნიშნულია, რომ უკვე რამდენიმე თვეა მთიანი ყარაბაღის ომში დაკარგული და დატყვევებული პირების დედები მძიმე მდგომარეობაში არიან და შვილების დაბრუნების მოლოდინით კოშმარში ცხოვრობენ.
