იღუმენი გრიგოლ დარსალია - რასაც უწმინდესზე ამბობენ და აკეთებენ დიდი ცოდვაა, ამას გადააჭარბა იმ ცოდვამ, რომ ადამიანმა, რომელსაც მღვდელმსახურება შეჩერებული აქვს, წირვა ჩაატარა

რასაც უწმინდესზე ამბობენ და აკეთებენ ძალიან დიდი ცოდვაა, ამას გადააჭარბა იმ ცოდვამ, რომ ადამიანმა, რომელსაც შეჩერებული აქვს მღვდელმსახურება, ჩაატარა წირვა, - ასე გამოეხმაურა მეუფე სტეფანეს მიერ ჭყონდიდში, სალხინოს ღვთისმშობლის შობის მამათა მონასტერში დანიშნული იღუმენი მამა გრიგოლ დარსალია ამავე მონასტრის ყოფილი წინამძღვრის დანიელის მიერ წირვის აღვლენას.

მისივე თქმით, საპატრიარქოში მეუფეებთან ამ საკითხზე პირადი გასაუბრების მიზნით მივიდა.

,,სიცრუეა ის, რომ ჩვენ ამბიონს ვერ ვიყოფთ. შფოთი რომ არ ყოფილიყო და თავადაც, რომ დაწყნარებულიყვნენ მეგობრულად მივედით, რომ სწორ გზაზე დამდგარიყვნენ და ურჩობა არ გამოეჩინათ ბოლომდე. სხვა ჩვენ არანაირი განხრახვა არ გვქონია, რომ დაგვესაჯა და შეურაცხყოფა მიგვეყენებინა, უფრო გაღიზიანდნენ იმით, რომ ჩვენ მშვიდობიანად მივედით. რასაც უწმინდესზე ამბობენ და აკეთებენ ძალიან დიდი ცოდვაა, ამას გადააჭარბა იმ ცოდვამ, რომ ადამიანმა, რომელსაც შეჩერებული აქვს მღვდელმსახურება, წირვა ჩაატარა. ჩამოვედი საპატრიარქოში, რომ პირადად გავსაუბრებოდი მეუფეებს ამ საკითხთან დაკავშირებით. ჩვენი სათქმელია, რომ მათ უნდა შეინანონ, ის რაც გააკეთეს და მოიმოქმედეს. გამოძევება არის ძალიან ცუდი ფორმა, იქნებ თვითონ მიხვდნენ, რომ ძალიან დიდ შეცდომაში არიან”, - აღნიშნა მამა გრიგოლ დარსალიამ.