ირაკლი კობახიძემ 9 აპრილს ტრაგიკულად დაღუპულთა ხსოვნას პატივი მიაგო
„ქართული ოცნება - დემოკრატიული საქართველოს“ თავმჯდომარე ირაკლი კობახიძემ 1989 წლის 9 აპრილს, სამშობლოს თავისუფლებისთვის ტრაგიკულად დაღუპულთა ხსოვნას პატივი მიაგო და მემორიალი ყვავილებით შეამკო.
რუსთაველის გამზირზე ირაკლი კობახიძე პარტიის გენერალურ მდივან კახა კალაძესთან, პარლამენტის თავმჯდომარე არჩილ თალაკვაძესთან და საპარლამენტო უმრავლესობის წევრებთან ერთად იმყოფებოდა.
