კობა კობალაძე ლანჩხუთის მერს და ადგილობრივ ვეტერანებს შეხვდა

ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, რეგიონებში გეგმური ვიზიტის ფარგლებში, ლანჩხუთის მუნიციპალიტეტში იმყოფებოდა, სადაც ივერიის ღვთისმშობლის ხატის სახელობის ტაძარში, 1989 წლის 9 აპრილს, საქართველოს დამოუკიდებლობისათვის დაღუპულთა სულების მოსახსენებელ პანაშვიდს დაესწრო, შემდეგ კი, ლანჩხუთის მუნიციპალიტეტის მერს, ალექსანდრე სარიშვილს, მერის პირველ მოადგილეს, ბიძინა იმნაიშვილს და ადგილობრივ ვეტერანებს შეხვდა.

ვეტერანების საქმეთა სახელმწიფო სამსახურის ინფორმაციით, კობა კობალაძემ, მასპინძლებს, სამსახურის გეგმები გააცნო, რომლებიც უშუალოდ, რეგიონში მცხოვრები ომისა და თავდაცვის ძალების ვეტერანების სოციალური და ეკონომიკური მდგომარეობის გაუმჯობესებას ეხება. მუნიციპალიტეტის მერმა, კი, ისაუბრა იმ შეღავათებსა და პროგრამებზე, რასაც მუნიციპალიტეტი, თავისი შესაძლებლობის ფარგლებში, ვეტერანებისთვის ახორციელებს; საუბარი შეეხო იმ გამოწვევებსაც, რომლებიც ადგილობრივი თვითმმართველობის ორგანოების წინაშე დგას და რომელთა დაძლევაც, ვეტერანთა თანადგომას მნიშვნელოვნად გააუმჯობესებს. მხარეებმა ამ გამოწვევათა ერთობლივად გადაჭრის გზები დასახეს.

კობა კობალაძემ, ვეტერანებისგან, დეტალურად მოისმინა ყველა ის პრობლემური საკითხი, რომლებიც რეგიონის ვეტერანების საზრუნავს წარმოადგენს; საუბარი შეეხო საყოფაცხოვრებო სუბსიდიის, დაუბეგრავი მინიმუმის გაზრდას და ასევე, აგრარულ სფეროში დასაქმებულ ვეტერანთა დახმარებასა და სახელმწიფოს მიერ სოფლის მეურნეობის პროგრამების მხარდაჭერის მნიშვნელობას. ვეტერანებმა, კობა კობალაძეს, მიწის ლეგალიზაციასთან დაკავშირებული საკითხების მოსაგვარებლად, სამართლებრივი დახმარება სთხოვეს; მან, ვეტერანებს, აღუთქვა, რომ ვეტერანების საქმეთა სახელმწიფო სამსახურის სამართლებრივი უზრუნველყოფის დეპარტამენტი, ძალისხმევას არ დაიშურებს და კანონით გათვალისწინებულ ყველა ბერკეტს გამოიყენებს სამსახურის ბენეფიციარების დასახმარებლად.

ვეტერანების საქმეთა სახელმწიფო სამსახურის დირექტორი განაგრძობს რეგიონებში გეგმურ შეხვედრებს, რაც რეგიონში მცხოვრები ომისა და თავდაცვის ძალების ვეტერანების წინაშე მდგარი გამოწვევების დეტალურად გაცნობას და ადგილობრივი თვითმმართველობის წარმომადგენლებთან ერთად, მათი დაძლევის გზების მოძიებას ემსახურება.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია