ყველამ უნდა გადააბიჯოს საკუთარ პარტიულ ინტერესებს, მათ შორის, ნახოს, რას ფიქრობენ ჩვენი ევროპელი კოლეგები, ამ შემთხვევაში, შეთანხმება შესაძლებელი იქნება, - ამის შესახებ ჟურნალისტებთან საპარლამენტო უმრავლესობის წევრმა შალვა პაპუაშვილმა განაცხადა.

როგორც მან აღნიშნა, "ქართული ოცნება" კონსტრუქციული მოლაპარაკებებისთვის მზად არის.

“შეთანხმების რესურსს რაც შეეხება, სწორედ ამიტომ იყო მედიაციის პროცესი, სწორედ ამიტომ დაიდო დოკუმენტი, რომელსაც ჩვენმა ოპონენტებმა უწოდეს "ფარატინა" და "კოჭლი" დოკუმენტი, ჩვენ კი ვთქვით, რომ პრინციპულად მოგვწონდა ეს დოკუმენტი და მზად ვიყავით ხელი მოგვეწერა მისთვის, ამიტომ ყველამ უნდა შეხედოს ამ სიტუაციას იმ კუთხით, რომ გადააბიჯოს საკუთარ პარტიულ ინტერესებს, მათ შორის, ნახოს, რას ფიქრობენ ჩვენი ევროპელი კოლეგები და ამ შემთხვევაში შეთანხმება შესაძლებელია,"- განაცხადა პაპუაშვილმა.