ლევან იოსელიანი - პარტია, რომელიც შეიქმნება, მთავარი თავსატეხი და პრობლემა „ქართული ოცნებისთვის“ იქნება
ახალი პარტია, რომელიც შეიქმნება, მთავარი თავსატეხი და პრობლემა იქნება „ქართული ოცნებისთვის",- ამის შესახებ პარტია „მოქალაქეების" ერთ- ერთმა ლიდერმა, პარლამენტის ვიცე-სპიკერმა ლევან იოსელიანმა „პალიტრანიუსის“ გადაცემა „360 გრადუსში“ განაცხადა, სადაც უმრავლესობიდან წასული დეპუტატებსა და გიორგი გახარიას პოლიტიკური მომავალზე ისაუბრა.
როგორც ლევან იოსელიანი აცხადებს, გიორგი გახარიას, რომ საზოგადოების მხარდაჭერა აქვს, მისი პოლიტიკიდან წასვლის შემდეგ სოციალურ ქსელში გავრცელებულმა გამოხმაურებებმა აჩვენა.
„ახალი პარტია, რომელიც შეიქმნება, მთავარი თავსატეხი და პრობლემა იქნება „ქართული ოცნებისთვის“. მათი მხარდამჭერები არიან „ქართულ ოცნებასთან“ ყველაზე ახლოს მდგომი ადამიანები, ან ყოფილი მხარდამჭერები. ელექტორალური თვალსაზრისით „ნაციონალური მოძრაობისთვის“ ყველზე ბოლოს იქნება პრობლემა“, - აცხადებს იოსელიანი.
როგორც ლევან იოსელიანი განმარტავს, პარლამენტში იმ პარტიებთან ითანამშრომლებს, ვინც მათი მოკავშირე იქნება საკითხების გადაწყვეტისას.
„მოკავშირეებს არ ვარჩევ პარტიების მიხედვით, მოკავშირეებს ვარჩევ საკითხისადმი მხარდაჭერის მიხედვით“, - აცხადებს იოსელიანი.
ცნობისთვის, "ქართული ოცნება" ექვსმა დეპუტატმა დატოვა, რომლებიც გიორგი გახარიას გუნდს უერთდებიან, პარლამენტში კი, დამოუკიდებელი დეპუტატების სტატუსით გააგრძელებენ საქმიანობას.
იხილეთ ვიდეო: პარტია, რომელიც შეიქმნება, მთავარი თავსატეხი და პრობლემა "ქართული ოცნებისთვის" იქნება
This is a modal window.
v-if="article.gallery" v-html="article.gallery"
