ბადრი ჯაფარიძე - საინტერესოა, ვის მიმართ არის ოპოზიციური გახარია - აღიარებისა და მონანიების გარეშე, ყველაფერი იქნება პირფერობის და სიცრუის გაგრძელება, რასაც ვხედავდით მისი  მმართველობის დროს

გვახსოვს თავად გახარიას ფრაზა, რომ ივანიშვილი ქვეყნის სისტემური მზღვეველია და მისი სახით "ქვეყანაში უნიკალური დაზღვევა გვყავს", ამიტომ საინტერესოა, ვის მიმართ არიან ისინი ოპოზიციაში, - ამის შესახებ „ლელო საქართველოსთვის“ ლიდერმა ბადრი ჯაფარიძემ განაცხადა.

მისივე თქმით, გახარიას, როგორც ყოფილ პრემიერ-მინისტრს კრიზისების მართვის უნარი ნამდვილად არ ჰქონდა, რაც, ერთი მხრივ, ძალიან დაგვიანებული ვაქცინაციის პროგრამით და მეორე მხრივ, ქართული ეკონომიკის კატასტროფით ჩანს.

„ამ დროისთვის გახარიას პარტია არის ვირტუალური და არანაირ ოპოზიციურ ძალას არ წარმოადგენს. შესაბამისად, ეს ადასტურებს იმ ვერსიას, რომელიც გამოთქმული იყო არაერთხელ, რომ ეს არის ბიძინა ივანიშვილის მიერ შემოყვანილი მოთამაშე იმისათვის, რომ შეაჩეროს "ქართული ოცნების" ელექტორატის რღვევა, რომელიც სახეზეა და გამოწვეულია „ოცნების" დღევანდელი ლიდერების რადიკალიზმით და არაკონსტრუქციული ნაბიჯებით“, - განაცხადა ჯაფარიძემ.

მისივე თქმით, ყოფილმა პრემიერმა საზოგადოებას უნდა უთხრას, ანაკლიის პორტი რატომ გააჩერა.

“როდესაც საქართველოს სტრატეგიული პარტნიორები ქვეყნის განვითარების მთავარ პროექტად ანაკლიის ღრმაწყლოვანი პორტის პროექტს მიიჩნევენ, დროა გიორგი გახარიამ, გულახდილად მოუყვეს საზოგადოებას, ჩვენს მიმართ გადმოცემული მუქარის წერილის ისტორია, რომლის მთავარი მონაწილეც თავად იყო. ყოფილმა პრემიერ-მინისტრმა საზოგადოებას უნდა უთხრას, რატომ გააჩერა ანაკლიის პროექტი, ვისი დავალებით გააჩერა, რატომ მიაყენა ამხელა ზიანი ქვეყანას, რატომ გააქცია ინვესტორები ქვეყნიდან. ამ კითხვებზე პასუხის გაცემა არის აუცილებელი პირობა, რომ შემდგომში მისი სხვა განცხადებები იყოს მეტ-ნაკლებად სანდო და სიმართლესთან კავშირში. მე ვაფასებ სინანულის, პატიების და მიტევების უნარს. ამიტომ კითხვები, რომელიც გახარიას მიმართ დაგროვდა, მისი მხრიდან მოითხოვს გულწრფელ პასუხებს. თუ გახარია ამას გააკეთებს, დაგვანახებს კეთილსინდისიერი ადამიანის საქციელს. აღიარების და მონანიების გარეშე, ყველაფერი იქნება პირფერობის და სიცრუის გაგრძელება, რასაც ვხედავდით მისი მმართველობის დროს”, - განაცხადა ჯაფარიძემ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება