დიდი დიღმიდან მეტროსადგურ „სარაჯიშვილის“ მიმართულებით დღეიდან ახალი მარშრუტი ამოქმედდა

დიდი დიღმის IV მიკრორაიონიდან მეტროსადგურ „სარაჯიშვილის“ მიმართულებით, დღეიდან ახალი, ინტეგრირებული მარშრუტი - N321 ამოქმედდა.

როგორც „ინტერპრესნიუსს“ თბილისის საკრებულოდან აცნობეს, BMC მარკის 12-მეტრიანი, თანამედროვე სტანდარტების ავტობუსით დღეს თბილისის საკრებულოს საბურთალოს რაიონის მაჟორიტარმა დეპუტატმა, ავთანდილ ცინცაძემ ადგილობრივ მოსახლეობასთან ერთად იმგზავრა. როგორც დეპუტატმა განაცხადა, დიდ დიღომში ავტობუსის ახალი ხაზი ადგილობრივი მოსახლეობის საჭიროებებიდან გამომდინარე ამოქმედდა. ავთანდილ ცინცაძის თქმით, მნიშვნელოვანია ისიც, რომ ახალი ავტობუსი დიდ დიღომში მირიან მეფის ქუჩის იმ ნაწილსაც გაივლის, სადაც აქამდე საზოგადოებრივი ტრანსპორტი არ მოძრაობდა.

„მოსახლეობის თხოვნის საფუძველზე და მათი საჭიროებებიდან გამომდინარე, დედაქალაქის მერიასთან ნაყოფიერი თანამშრომლობის შედეგად, დღეს დიდ დიღომში ავტობუსის ახალი ხაზი ამოქმედდა. მნიშვნელოვანია ის ფაქტი, რომ მუნიციპალური ავტობუსი კლინიკა„იმედის" მიმართულებითაც იმოძრავებს, სადაც აქამდე საზოგადოებრივი ტრანსპორტი არ დადიოდა. ვფიქრობ, ძალიან კარგი და მნიშვნელოვანი საქმე გაკეთდა, რისთვისაც მადლობა მინდა გადავუხადო დედაქალაქის მერიას, სატრანსპორტო სამსახურს და თითოეულ იმ ადგილობრივ მოსახლეს, ვინც აქტიურად იყო აღნიშნულ პროცესში ჩართული. დარწმუნებული ვარ, რომ ერთობლივი მუშაობით, ჩვენ კიდევ ბევრ სასიკეთო საქმეს გავაკეთებთ", - განაცხადა ავთანდილ ცინცაძემ.

დეპუტატის თქმით, სატრანსპორტო რეფორმა დედაქალაქის მერიის ერთ-ერთი მთავარი პრიორიტეტია. მისივე განმარტებით, ახალი მარშრუტების დანიშვნა და თანამედროვე სტანდარტების ავტობუსების შემოყვანა მოსახლეობის სწრაფ, უსაფრთხო და კომფორტულ გადაადგილებას უზრუნველყოფს. ახალი ავტობუსით ავთანდილ ცინცაძესთან ერთად, საბურთალოს რაიონის გამგებელმა, გაიოზ ვასაძემ და და შპს „თბილისის სატრანსპორტო კომპანიის" მეორე ავტობაზის უფროსმა, გიორგი მეშველიანმაც იმგზავრა. N321 ავტობუსი დიდი დიღმიდან მეტროსადგურ „სარაჯიშვილის" მიმართულებით 15-წუთიანი ინტერვალით იმოძრავებს.

მოსახლეობას ახალ ხაზზე BMC მარკის 12-მეტრიანი, ოთხი ავტობუსი მოემსახურება.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
“მარტივი გზა შენს ახალ სახლამდე” – Myhome-ის განახლებული დეველოპერული კომპანიების მოდული
„ნიუ ჰოსპიტალსი“ პაციენტებზე ზრუნვის 10 წლისთავს აღნიშნავს
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება