შეთანხმება საქართველოს გააძლიერებს და ჩვენ, საფრანგეთსა და ევროკავშირს ძლიერი საქართველოს ხილვა გვსურს, - ამის შესახებ საფრანგეთის ელჩი საქართველოში დიეგო კოლასი სოციალურ ქსელ „ტვიტერში“ წერს, სადაც ის შარლ მიშელის მიერ საქართველოს პოლიტიკური პარტიებისთვის შეთავაზებულ ახალ წინადადებას აზიარებს.

„შეთანხმება საქართველოს გააძლიერებს და ჩვენ, საფრანგეთსა და ევროკავშირს ძლიერი საქართველოს ხილვა გვსურს. ბოლო დღეებისა და საათების განმავლობაში მხარეებმა ასეთი შეთანხმების გაფორმების ინტერესი გამოხატეს. გამბედაობის, ნდობის გამოვლენისა და ერთიანობის ძიების დროა, რაზეც ქვეყნის ძლიერება გადის“, - წერს ელჩი.