ხათუნა სამნიძე 5 კომიტეტის თავმჯდომარეობაზე - არავითარი დათქმები და არითმეტიკა ამ შეთანხმების დროს არ ყოფილა, როგორც წერია დოკუმენტში, ისე უნდა მოხდეს

5 კომიტეტი იმიტომ არის მითითებული, რომ ეს არის შესაძლებლობა, როგორ ხედავენ ჩვენი მედიატორები, ითანამშრომლოს ოპოზიციამ და ხელისუფლებამ, ნდობა აღდგეს და შეწყდეს მტრობა, რაც დღეს შეუძლებელია, - ამის შესაბ „რესპუბლიკური პარტიის“ თავმჯდომარემ ხათუნა სამნიძემ „ინტერპრესნიუსთან“ საუბარში ირაკლი ქადაგიშვილის განცხადების საპასუხოდ აღნიშნა.

სამნიძის შეფასებით, ირაკლი ქადაგიშვილი არ იცნობს მოლაპარაკების დეტალებს და მისი მხრიდან არაკომპეტენტური განცხადება გაკეთდა. მისივე თქმით, დოკუმენტში არანაირ დათქმებზე საუბარი არ ყოფილა. როგორც სამნიძემ განაცხადა, აქ საუბარი არა თავმჯდომარეობაზე, არამედ პასუხისმგებლობის განაწილებასა და თანამშრომლობის დაწყებაზე.

„ძალიან სამწუხაროა, რომ ირაკლი ქადაგიშვილი არ იცნობს მოლაპარაკებების დეტალებს, რაზე იყო საუბარი და მას ვურჩევ, ჰკითხოს შალვა პაპუაშვილსა და არჩილ თალაკვაძეს. არავითარი დათქმები და არითმეტიკა ამ შეთანხმების დროს არ ყოფილა, როგორც წერია შეთანხმებაში, ისე უნდა მოხდეს. ეს არ არის ყველაზე მთავარი ნაწილი ამ შეთანხმების, გაცილებით მნიშვნელოვანი ნაწილებია, მაგრამ ეს არანაკლებ მნიშვნელოვანია იმ თვალსაზრისით, რომ ეს არ არის თავმჯდომარეობაზე ლაპარაკი, ეს არის ძალაუფლების ანუ პასუხისმგებლობის განაწილება, რაც არის პირველი ნაბიჯები იმისკენ, რომ ჩვენ თანამშრომლობა შევძლოთ და არა ასე, არითმეტიკით პასუხების გაცემა იმაზე, რაზეც ხელია უკვე მოწერილი. კეთილი ინებოს, ჰკითხოს მომლაპარაკებლებს და გაერკვეს! არავითარი დათქმები, ვინ შევა და ვინ არა, ამ ხელშეკრულებას არ აქვს. 5 კომიტეტი იმიტომ არის მითითებული, რომ ეს არის შესაძლებლობა, როგორ ხედავენ ჩვენი მედიატორები, ითანამშრომლოს ოპოზიციამ და ხელისუფლებამ, ნდობა აღდგეს და შეწყდეს მტროლბა, რაც დღეს შეუძლებელია, ეს არის საფუძველი ამ პუნქტის შეთანხმებაში,“- განაცხადა სამნიძემ.

ცნობისთვის, პარლამენტის საპროცედურო საკითხთა და წესების კომიტეტის თავმჯდომარის, ირაკლი ქადაგიშვილის განცხადებით, ოპოზიციონერი დეპუტატების მიერ 5 კომიტეტის თავმჯდომარის პოსტის დაკავებისთვის ყველა ოპოზიციონერის პარლამენტში შესვლაა საჭირო.

როგორც ქადაგიშვილი განმარტავს, 5 კომიტეტის თავმჯდომარეობა 60 დეპუტატის საკანონმდებლო ორგანოში შესვლაზეა გათვალისწინებული.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია