დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე, ცენტრის გადამდებ და არაგადამდებ დაავადებათა დეპარტამენტის წარმომადგენლებთან ერთად რუსთავში იმყოფება.

ამირან გამყრელიძე COVID-19-ის მიმდინარე ეპიდსიტუაციისა და ვაქცინაციის საკითხებზე, ქვემო ქართლში სახელმწიფო რწმუნებულის ადმინისტრაციაში, მხარის გუბერნატორთან, მერებთან, საზოგადოებრივი ჯანდაცვის მუნიციპალური სამსახურების წარმომადგენლებთან და რუსთავის მაჟორიტარ დეპუტატთან შეხვედრას მართავს.

დღესვე დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი, რუსთავის ცენტრალურ საავადმყოფოსა და კლინიკა „რუსთავში“ არსებულ ვითარებას გაეცნობა.

მოგვიანებით ამირან გამყრელიძე რუსთავში დაგეგმილი ვიზიტის ფარგლებში, ქვემო ქართლის რეგიონული მედიის წარმომადგენლებს შეხვდება და პრესკონფერენციას გამართავს.